Resey äskeri şeginip şıqqan Ukrainanıñ Buça qalasındağı äskeri qılıs ayıptarınan keyin Europa Odağı Reseyge qarsı sankciyaların tağı da küşeytti. Bwl Europanıñ Reseyge salğan besinşi sankciya paketine tura keldi.
Besinşi sankciya paketi dayındalıp jatqan twsta Buça mäselesi köterilip, ötken apta soñında dayın bolıp qalğan sankciya jobası uaqıtşa keri şegerilgen edi. Keşe, 6 säuir seysenbide Europa Odağı kezekti sankciya paketin barınşa küşeytetinin mälimdedi.
Odaqtıñ barlıq müşeleri (27 memleket) tolıq qoldağan jağdayda Europanıñ joyqın sankciyası Reseyge qarsı iske qosıladı. Biraq bwl jolı da Resey ekonomikası üşin eñ mañızdı salalar mwnay-gaz öndirisi men eksportına sankciya salınğan joq. Biraq, bwl jolı Reseydiñ kömir eksportına auır sankciya soqqısı tidi, bwl kezekti sankciyadağı Resey ekonomikasına tereñ äser etetin bir tarmaq.
Qatañ sankciya jobası boyınşa Reseyden importqa 10 milliard euro, Reseyge eksporttauğa 10 milliard euro şekteu qoyılğan. Sonıñ özinde bwl Resey-Europa sauda kölemimen salıstırğanda eşteñe emes, soğıs bastalğanğa deyin eki taraptıñ sauda qatınası şamamen 250 mlrd eurodan asıp ketken, Europa Reseyden 160 mlrd euro köleminde satıp alıp, 100 milrd euroğa juıq satıp otırğan.
Şın mänisinde, Europanıñ sankciyasınan göri Britan men AQŞ-tıñ Reseyge qarsı şekteui anağwrlım qatañ äri auqımdı. Sebebi, Europa odağımen salıstırğanda ağılşın äleminiñ Reseymen ekonomikalıq baylanıstarı solğın. Qatañ sankciyalar salğan künde de öz ekonomikasına qauipi az.
AQŞ pen Iran kelissözi qayta jalğaspaq: Doha kezdesui şielenisti bäseñdete me?
Ukraina-Resey soğısı «energetikalıq duel'ge» aynalıp ketti
Memorandumnıñ küyreui: Parsı şığanağındağı dauıl&älemdik tärtiptiñ sın sağatı soğıp twr
Ormuz dağdarısı: AQŞ pen Iran arasındağı uaqıtşa bitim nege tez bwzıldı?
Erejesiz älem: Jahandıq wltşıldıq pen resurstar soğısı
Ormuz dağdarısı jäne köppolyarlı älemniñ tuuı: «Qırği qabaq soğıstan» da qauipti jaña teketires