Sergey Sobyanin qwrlıs ornında. Foto: Ria Novist.

SİM basşısı «Qazaqstanda orıs tildilerge qarsı ksenofobiya bar» dep mälimdeme jasağan Reseydiñ ortalıq qala meri qwrlıs kompaniyalarğa migranttardan qwtıludı basa tapsırıp jatır. Mäskeudegi qwrlıs isterinen migranttardı azaytu josparınıñ bar ekenin qala meri Sergey Sobyanin bwğan deyin de aytıp kelgen edi.

Mäskeu qala meriniñ sözin alğaşqılardan bolıp «Kommersant» basılımı jazdı. Basılım habarınşa, qwrlıs ornındarın aralap jürgen Soyanin kompaniya direktorına: «Basqaşa aylıqpen basqa sipattağı adamdar [kerek], qazir sizderde köp bolıp otırğan migranttardı azıraq [tartu kerek]. Jaqınğı aymaqtardan reseylikterdi tartıñdar, aylıqtarın köteruge, jwmıs isteuge şart tüzilgen», – degen tapsırmasın bergen.

Mäskeudiñ Baumanskaya köşesindegi hruşevkalardıñ ornına jaña qwrlıstar saludı jüzege asırıp jatqan qwrlıs kompaniyasınıñ gen-direktorı Aleksey Dobaşin qala merine jwmısşıları arasınan migranttardıñ 15 payızın qısqartqanın, qwrlısşılardıñ 120-150 mıñ rubl' aylıq alıp jatqanın mälimdedi. Onıñ bwl sözine Soyanin: «Bwl mäskeulikterdiñ aylığı, migranttardıki emes», – dep qaday aytqan.

Anığında köp jıldardan beri Mäskeu qalasındağı qwrlıs jwmıstarınıñ basım köbin migranttar jüzege asırıp kelgen. Pandemiyağa baylanıstı elde qwrlıs salasındağı sırtqı eñbek küşterdiñ sanı keskin qısqarıp ketken. Mäskeu qalalıq ükimeti migranttardıñ ornına jergilikti jwmısşılardı tartu üşin ükimet tarabınan subsidiya qarastırıp jatqanın da mälimdegen bolatın.

Bwğan deyin Mäskeude qwrlıs eñ qarqındı jüretin şilde jäne tamız aylarında 18-20 mıñ şamasında qwrlıs jwmısşılarınıñ jetispey jatqanı aytılğan. Qalalıq qwrlıs departamenti jariyalağan bwl derekke say qwrlıs jwmıstarına jergilikti jwmısşılardı tartu üşin qarjı bölinip jatqanı da mälim bolğan.

Resey post-keñestik elderdiñ, äsirese Orta Aziya elderindegi (Qırğızstan, Özbekstan, Täjikstan) jwmıs küşine belgili deñgeyde mwqtaj. Eñbek narığı men sauda narığı boyınşa Orta Aziya Resey üşin asa mañızdı aymaq sanaladı.

The Qazaq Times