Jansaqtau bölimindegi nauqastı qarap jatqan däriger. Illyustraciyalıq foto: TASS / Sergey Bobılev

Almatıda koronavirus pandemiyasınıñ törtinşi tolqını äli bäseñdemey twr. Tap qazir qalanıñ 11,5 mıñğa tarta twrğını emdelip jatır. Qazir stacionarlarda şamamen 48,7% orın tolğan. 

Qoğamdıq densaulıq saqtau basqarmasınıñ mälimetinşe, ötken täulikte, 7 qırküyekte tirkelgen 911 adamnıñ 872-si simptom belgilerimen, tağı 39 adam simptomsız tirkelgen. Seysenbi küni 379 adam auruhanağa jatqızılğan.

Jalpı qalada sıyımdılığı 7705 orın bolatın infekciyalıq stacionarlarda 3754 adam emdelip jatır. Olardıñ arasında 116 bala tösekke tañılğan. Al reanimaciya jäne qarqındı terapiya bölimderinde 339 nauqas jatır. 58 adam ÖJJ, 137 nauqas invazivti emes ÖJJ-ımen jäne 168 sırqat High flow apparatımen tınıstap jatır. Sonday-aq, BMSK men Telemedicina ortalığınıñ mobil'di toptarımen birge üy jağdayında 7735 nauqas ambulatorlıq deñgeyde baqılauğa alınğan.

Düysenbide jiını 23 adam koronavirus pen oğan wqsas pnevmoniyadan qaytıs bolğan.

Resmi derekke qarağanda, Almatı qalasında biıl aqpannan beri 895 mıñ adam ekpeniñ alğaşqı, onıñ işinde 773 mıñı tolıq dozasın alğan. Äkimdik mälimetinşe, äzirge 160 egu punkti men 237 egu brigadasında 1028 medqızmetker jwmıs isteydi.

Jalpı pandemiya bastalğalı qalada 161 mıñnan asa adam auırğan, onıñ 40 mıñğa juığı tamızda anıqtalğan. Qazir respublikada anıqtalğan kündelikti eseptiñ keminde şirek böligi Almatı qalasına tiesili bolıp otır.

Epidahualdıñ naşarlauına baylanıstı tamızda qalıptı jağdayda qoldanılıp jürgen 7011 tösek-orın 8910-ğa deyin köbeytilgen. Keşe bwl 7705 orınğa deyin qısqartıldı.

The Qazaq Times