Almatı qalasındağı Ortalıq klinikalıq auruhanasınıñ jansaqtau böliminde koronavirustıñ asqınğan türimen auırıp jatqan nauqastar. 15 şilde 2021 jıl. Foto: QT / Kültegin Aspanwlı

Qazaqstanda koronavirus pen oğan wqsas pnevmoniyağa şaldıqqandar sanı 610 mıñğa jaqındadı, onıñ 126 mıñı tek şilde ayında tirkelip ülgerdi. Osı aydağı epidahual dinamikasına qarağanda, koronavirustıñ janama äserinen köz jwmğandardı eseptemegende tike kovidten 1428 qazaqstandıq (KVI+ 1220, KVI- 208) ömirden ötken. Eki aptadan beri toqtausız ösip jatqan auruşañdıq 5-6 mıñnıñ üstinde twr. Düysenbide 92 adam qaytıs bolğan.

Densaulıq saqtau ministrliginiñ resmi mälimetinşe, elde 27 şildede koronavirus (KVI+) jwqqan 6925 adam, al 26-sı koronavirus pnevmoniyasına (KVI-) şaldıqqan 324 adam tirkeldi. Qazir elde 89 mıñ adam (KVI+ boyınşa 87 mıñ, KVI- boyınşa 2 mıñnan asa) auırıp jatır.

#COVID Ötken küni PTR testi arqılı koronavirus jwqqanı rastalğan nauqastar qatarı tağı artıp, şilde ayındağı VII rekordın jañaladı. Är öñirde jüzden kem emes jağday tirkelip, bwrın-soñdı bolmağan deñgeyge östi. Olardıñ basım böligi ädettegidey astana (1531),  Almatı qalası (1250) jäne Qarağandı oblısında (920) tirkeldi. Bwdan özge Atırau (430), Şımkent (421), ŞQO (312), Mañğıstau (267), Pavlodar (225), Almatı (220), Qostanay (213), Aqmola (210), BQO (197), Aqtöbe (191), Qızılorda (150), Jambıl (137), SQO (134), Türkistan (117) oblıstarında dert üdep twr. Osı seysenbide aurudan ayıqqan 5096 adam üyine şığarılğan. Düysenbide jiını 81 adam qaytıs bolğan.

#COVID_pnevmoniyası 26 şildede aqparatı bir täulikke keşigip beriletin koronavirus pnevmoniyasına şaldıqqan 324 nauqas esepke alındı. Vedomstvo dereginşe, düysenbi küni sırqattar astana, Jambıl (ärqaysında 46-dan), Atırau (45), Şımkent (41), Mañğıstau (32), Qostanay (23), Almatı (21) oblıstarında köptep anıqtalğan. Sonımen qosa, 97 adam ayığıp şıqqan, tağı 11 adam köz jwmğan.

#Jalpı  DenMin deregine qarağanda, emdelip jatqan 89 mıñnan asa nauqastıñ 24 mıñı auruhanada, 64 mıñı ambulatorlıq baqılauda. 1,5 mıñ nauqastıñ jağdayı naşar, ondağı 319 adamnıñ häli öte auır. Bwdan özge 160 sırqat ökpeni jasandı jeldetu apparatımen tınıstap jatır.

Epidkartada keyingi bir apta boyı «sarı aymaqta» yujalğız twrğan Türkistan oblısınan basqa barlıq öñir (üş megapolisti qosa alğanda) «qızıl aymaqta» twr.

DenMin habarınşa, 1 şildede PTR skriningi negizinde 414 sınama jürgizilgen. Säykesinşe, barlıq ülginiñ 48,3%-ınan Qazaqstannıñ tügel aymağınan ündistandıq «Del'ta» ştamı anıqtalğan. Ükimet mälimetinşe, biıl köktem-jazda genomdıq zertteu nätijesinde eldiñ basım böliginen virustıñ braziliyalıq, britandıq, oñtüstikafrikalıq jäne ündistandıq ştamdarı anıqtalğan.

Bıltır 13 naurızdan beri COVID-19 infekciyasın jwqtırğandar qatarı 550 mıñğa juıqtadı, 1 tamızdan bılayğı koronavirus pnevmoniyası 60 mıñnan astı. DDSW derekqorı men Wlttıq statistikada Qazaqstanda auırğandar sanı 610 mıñğa tayadı. Degenmen Ükimet koronavirus pen onıñ pnevmoniyasın eki bölek esepteydi.

Pandemiya bastalğalı jalpı virus jwqqandardan 11,6 mıñnan asa adam (KVI+ / U07.1 – 5619, KVI- / U07.2 – 3660, ilespe aurulardan – 2367) qaytıs bolğan. Alayda Qazaqstan biligi boyınan koronavirus tabılsa da, basqa aurulardıñ sebebinen qaytıs boldı delingenderdi jalpı statistikağa engizbeydi. Bwğan qarsı sarapşılardıñ sözine qarağanda, koronavirustıñ janama äserinen qaytqandardıñ jartısınan astamınıñ sebebi qan aynalımı jüyesiniñ auruları bolğandıqtan, oğan infekciya dert qozdıruşı faktor retinde ölimge äkep soqtırğan.

Qazaqstan virus taraluı boyınşa älemde Djons Hopkins universiteti jäne DDSW tizimindegi 221 el men aymaqtıñ arasında 42-orında twr.

Ükimettiñ soñğı deregine qarağanda, Qazaqstanda 3 mln 436 mıñ adam koronavirusqa qarsı vakcinanı tolıq alğan.

"The Qazaq Times"