Medbike emhananıñ egu bölimine vakcinanıñ kezekti tranşın termosömkemen alıp bara jatır. Almatı qalası. Säuir 2021 jıl. Foto: QT / Kültegin Aspanwlı

Qazaqstanda 27 mausımda 1686 adamnan koronvirus anıqtalğan. Eki kün kün bwrın 15 adam koronavirus pnevmoniyasına şaldıqqanı belgili boldı. Elde nauqastar sanı koronavirustıñ jıldam taraytın türi "ündistandıq ştamnıñ" tabılğalı köbeyip jatır.

Ötken täulikte astanada – 507, Qarağandı oblısında – 278, Almatıda – 215, Şımkentte – 103, Batıs Qazaqstan oblısında 101 adamnıñ PTR testi oñ şıqqan. Qalğan oblıstar men qalalarda anıqtalğan nauqastar jüzge jetpeydi.

Aqmola, Aqtöbe jäne Qızılorda oblıstarı koronavirus boyınşa "jasıldan" "sarı aymaqqa" ötti. Bwğan deyin "sarı aymaqta" üş oblıstan bölek, Şımkent, Qostanay jäne Mañğıstau oblıstarı bolğan. Qazir "jasıl aymaqta" Almatı oblısı, Şığıs Qazaqstan oblısı, Jambıl, Pavlodar, Türkistan, Soltüstik Qazaqstan oblıstarı ğana qalğan. Astana, Almatı, Atırau, Batıs Qazaqstan jäne Qarağandı oblıstarı "qızıl aymaqta" twr.

26 mausımda 11 adam qaytıs bolğan: 10 adamnıñ ölimine – koronavirus, 1 adamnıñ ölimine koronavirus pnevmoniyası sebep bolğan.

2020 jıldıñ naurız ayınan beri elde 419 800 adamnıñ PTR testi oñ şıqqan, 4316-sı qaytıs bolğan. Koronavirus pnevmoniyasın jwqtırğandar 56 940 adamğa jetti. 3443-i köz jwmğan.

"The Qazaq Times"