Halıqaralıq qazaq-türik universitetindegi N. Nazarbaevqa qoyılğan byust. Foto: Qamshy.kz

Keşe, 24 mamırda "Türkistan – türik äleminiñ ruhani astanası: integraciya jäne ıntımaqtastıqtıñ bolaşağı" attı onlayn-konferenciyada Qazaqstannıñ eks-prezidenti Nwrswltan Nazarbaevqa Türkistanda eskertkiş ornatu turalı wsınıs aytıldı.  Mwnday wsınıstı TÜRKSOY bas hatşısınıñ orınbasarı Bilal Çakıdji aytqan.

"Türki äleminiñ ruhani ortalığı – Türkistanda osı qalanıñ jañğıruına ıqpal etken, sonımen birge türki halıqtarınıñ inegraciyasına ölşeusiz üles qosqan Nwrswltan Äbişwlı Nazarbaevqa eskertkiş qoyudı wsınamın. Bwğan negiz de köp. Mwnday ideya türki älemindegi dana aqsaqalğa degen erekşe qwrmetten tuındadı, ol memleket basşısı bola otırıp, türki halıqtarınıñ birligin qoldadı, qazaq halqın güldendiruge wmtılıp, täuelsizdigin saqtap qaluğa küş saldı" dedi Bilal Çakıdji.

Al konferenciyağa qatısuşılar Çakıdjidiñ  wsınısın qoldağan.

Soñğı jıldarı Qazaqstanda azamattardıñ qarsılığına qaramastan, Nazarbaevqa eskertkişter qoyılıp, onıñ esimi köşege, vokzalğa, sayabaqqa, mektepke berile bastadı. Keybir sarapşılar bwnı "jeke basqa tabınu" dep esepteydi. Al bilikşil közqarastağı adamdardıñ oyınşa, bwl – Nazarbaevqa körsetilgen qwrmet.

Qazaqstandı 30 jılğa juıq üzdiksiz basqarğan Nwrswltan Nazarbaev 2019 jılı prezident lauazımın sol kezdegi senat spikeri Qasım-Jomart TOqaevqa tapsırğan. Ol prezidenttikten ketkenine eki jıl bolsa da eldegi biliktiñ bir tarmağın äli de qolında wstap otır.

"The Qazaq Times"