Foto: qazaqtimes.com

Qarağandıda Sätbaev qalasında bolğan töbeleske qatıstı sot ükimi oqılıp, 55 ayıptaluşınıñ toğızı üş jılğa bas bostandığınan ayırıldı.

44 adam 4 jıl şarttı jaza alıp, eki adam 1,5 jılğa şarttı türde sottalğan. Bwğan deyin prokurorlar ayıptaluşılardıñ kinäsin moyındağanın, olarmen processualdı kelisim jasalğanın habarlağan. Sot prokuror swrağan jazanı berdi. Atalğan is boyınşa tağı eki ayıptaluşığa izdeu jariyalanğan. Olardıñ isi bölek tergelip jatır.

Bıltır 23 şilde keşkisin Qarağandı oblısınıñ Sätpaev qalasında bes jastağı qız bala joğalıp, policiya men eriktiler jwmıla  izdegen. Tün aua jwmağa qarağan sağattarda qaladağı köpqabattı twrğın üydiñ birinen iisşil ittiñ kömegimen büldirşin egde jastağı er adamnıñ päterinen tabılğanı turalı aqparat tarağan. Sätpaevtıqtar birneşe sağat boyı küdiktini «jalpıhalıqtıq sot retinde köpşilik aldında jauapqa tartuğa tırısıp», öz betinşe jazalauğa talpınğan.

Närestege zorlıq körsetti dep ızalanğan jwrt qalalıq policiya departamenti bastığınıñ orınbasarı Ernat Qaliakparov, qala äkimi Asqar Idırısov jäne jergilikti imamnıñ da sözine qwlaq aspağan. Osı sebepti alğa tartqan aşulı el (äleumettik jelilerde tarağan videodan toptıñ qatarı qalıñ ekenin añğaru qiın emes – red.) küdikti jetkizilgen policiya bölimşesine bet alıp, onda tayaq-tas laqtırğan, küştik qwrılımnıñ köligin örtegen. Sondıqtan Wlttıq gvardiyanıñ arnayı äskeri, temirqwrsau jasağı jwmıldırılğan.

"The Qazaq Times"