Policiya Almatı qalasında Ortalıq demalıs jäne mädeniet sayabağınıñ aldında birneşe belsendini avtozakqa salıp äketti*.

Parktiñ bas qaqpasına kireberis twsta sağat 13.00 şamasında 4-5 äyel «Sayasi twtqındarğa bostandıq!», «Europarlament qararı orındalsın!», «Qımbatşılıq toqtasın!», «Qıtay ekspansiyasına qarsımın», «Qıtaydıñ 55 zauıtı salınbasın» dep wrandastı. Narazınıñ biri «Bağanıñ ösui Nazarbaevtıñ kinäsi» degen jazuı bar plakattı aşıp ülgerdi. Olar pikirin ayta bergen boyda aynalanı toruıldap jürgen policiya qızmetkerleri söyleuge mwrşa bermesten birden avtozakqa küştep mingizdi.

Wstau barısında azamattıq ülgide kiingen äri maskamen bürkengen belgisiz onşaqtı er adam jurnalisterdiñ foto-videokameraların kölegeylep, käsibi qızmetine kedergi jasadı. Policeylerge ämir berip jürgen Almatı qalalıq policiya Departamenti bastığınıñ orınbasarı, policiya polkovnigi Nwrlan Almasbekovke wqsas «polkovnik» jurnalisterdiñ uäjine moyın bwrıp qaramadı, Qılmıstıq kodekstiñ 158-babı boyınşa jurnalistiñ käsibine naqtı kedergi jasalğanın közge ilmedi. Qwqıq qorğau organdarı ökilderiniñ eşbiri tilşilerdiñ eskertuine qaramastan eşqanday şara qoldanbadı. Ädette mwnday ädis astana, Şımkentte jäne öñir ortalıqtarında jii qoldanıluşı edi.

Polkovnik pen belsendiler. 1 mamır 2021 jıl. Almatı qalası. Foto: QT / Kültegin Aspanwlı

Qolşatır jayğan «tituşkalar» aqparat qwraldarınıñ qızmetkerlerine jağdaydı taspalauğa kedergi jasap baqtı. 1 mamır 2021 jıl. Ortalıq sayabaq. Almatı qalası. Foto: QT

Belgilengen aumaqta kündizgi 11.00-den bastap mobil'di internet öşirildi. Jibek jolı köşesinen orın tepken Arbat mañında bir qosılıp, bir öşip twrdı. Keybir jürginşilerdiñ emin-erkin jürip-twruına kedergi jasadı. Gogol' men Qaldayaqov köşeleriniñ qiılısınan sayabaqtıñ auzına deyingi aralıqta qoğamdıq kölikterdiñ qozğalısı şekteldi.

Narazılıq akciyağa qatısuğa kelgen äyelder. 1 mamır 2021 jıl. Ortalıq sayabaq. Almatı qalası. Foto: QT

Bwğan deyin Qazaqstan astanasınıñ sotı «ekstremistik», al Europarlament «beybit» wyım dep tanığan quğındağı bankir, oppoziciyalıq sayasatker Mwhtar Äblyazov 1 mamır küni iri qalalarda  «Qazaqstannıñ demokratiyalıq tañdauı» qozğalısı jaqtastarın beybit mitingke şığuğa şaqırğan. Biraq Qazaqstannıñ keybir prokurorları akciya sankciyalanbağanın jäne zañsız ekenin eskertken.

Belsendiniñ keybiri avtozakqa küştep kirgizildi. 1 mamır 2021 jıl. Almatı qalası. Foto: QT / Kültegin Aspanwlı

«Bolmay qalğan akciyağa» kelgender sayasi twtqındardı bostatudı, Europarlamenttiñ aqpan ayında qabıldağan qararın orındaudı, «Qıtay ekspansiyasın» jäne qımbatşılıqtı toqtatudı talap etti. 1 mamır 2021 jıl. Almatı qalası. Foto: QT / Kültegin Aspanwlı

«Qoşatırlılardıñ» biri kameranı jabuğa tırısıp twr. 1 mamır 2021 jıl. Ortalıq sayabaq. Almatı qalası. Foto: QT

«Qolşatır» wstağandar tilşilerdiñ aqparat qwralına kedergi jasap jatqanı, mwnıñ zañsız ekenin aytqanın elemey, alğan betinen qaytpadı. Avtozak jıljıp ketkenşe bögedi. 1 mamır 2021 jıl. Ortalıq sayabaq. Almatı qalası. Foto: QT

Wstau kezin bürkep-jasqauğa tırısqan «qolşatırlılardıñ» tağı bireui. 1 mamır 2021 jıl. Almatı qalası. Foto: QT / Kültegin Aspanwlı

Jurnalist käsibi qızmetine kedergi jasamauın talap etkenimen, «qolşatırlılar» bwğan qwlaq aspadı. 1 mamır 2021 jıl. Almatı qalası. Foto: QT / Kültegin Aspanwlı

Polkovnik «qaptağan qap-qara qolşatırdı» köre twra jurnalisterdiñ qwqığın qorğauğa emes, köbine akciya qatısuşıların wstauğa köp män berdi. 1 mamır 2021 jıl. Almatı qalası. Foto: QT / Kültegin Aspanwlı

Sayabaqqa tayau jerde twratın keybir azamattar aynalıp ötuge mäjbür boldı. 1 mamır 2021 jıl. Almatı qalası. Foto: QT / Kültegin Aspanwlı

Arbat töñiregi tügel qorşalğan, aumaqtı policeyler men äkimdik qızmetkerleri baqıladı. 1 mamır 2021 jıl. Almatı qalası. Foto: QT / Kültegin Aspanwlı

Gogol' köşesiniñ sayabaq kireberisine deyingi boyında keminde 4-5 avtozak boldı. 1 mamır 2021 jıl. Almatı qalası. Foto: QT / Kültegin Aspanwlı

Äblyazov «miting ötedi» dep körsetken sayabaq «dezinfekciyalauğa» jabılğanı habarlanğan. 1 mamır 2021 jıl. Almatı qalası. Foto: QT / Kültegin Aspanwlı

*Aqparat tolıqtırıldı

"The Qazaq Times"