Australiya Qıtaydıñ «Bir beldeu, bir jol» jobasınan tübegeyli bas tartqanın mälimdedi. İle-şala Bayden ükimeti Qıtayğa qarsı öz odaqtastarımen birlese jwmıs isteytinin ayttı.

Australiya SİM basşısı Peyn hanım särsenbide Australiya Federaldı ükimeti Qıtaymen 2018 jäne 2019 jıldarı Viktoriyada jasasqan «Bir beldeu, bir jol» jobaları boyınşa kelisimderin toqtatqanın mälimdedi. Peyn hanımnıñ aytuınşa, bwl eki kelisim bıltır Australiya parlamenti qabıldağan «Halıqaralıq qatınastar turalı» jaña zañğa säykes kelmeydi.

Qıtay Sırtqı ister ministrligi Australiyanıñ bwl qadamın elaralıq kelisimdi qwrmettemeu dep ayıptadı jäne qatañ sınğa aldı.

Särsenbide Aq üydiñ resmi ökili odaqtastarınıñ şeşimin qoldap mälimdeme jasadı. «Ärine, Qıtayğa qatıstı mäseleler bizdiñ odaqtastarımız jäne halıqaralıq qauımdastıqtağı üylestiru men ıntımaqtastıq isterine qiındıqtar äkeledi», – degen Aq üy baspasöz ökili.

«Bir beldeu, bir jol» jobasınan Australiyanıñ tübegeyli bas tartuı bwl jobadan bas tartatın elderdiñ qatarın molaytuı mümkin. Bwğan Qıtay men Batıs elderi arasındağı qayşılıqtıñ tikeley äseri bar.

“The Qazaq Times”