اۋستراليا قىتايدىڭ «ءبىر بەلدەۋ، ءبىر جول» جوباسىنان تۇبەگەيلى باس تارتقانىن مالىمدەدى. ىلە-شالا بايدەن ۇكىمەتى قىتايعا قارسى ءوز وداقتاستارىمەن بىرلەسە جۇمىس ىستەيتىنىن ايتتى.

اۋستراليا ءسىم باسشىسى پەين حانىم سارسەنبىدە اۋستراليا فەدەرالدى ۇكىمەتى قىتايمەن 2018 جانە 2019 جىلدارى ۆيكتوريادا جاساسقان «ءبىر بەلدەۋ، ءبىر جول» جوبالارى بويىنشا كەلىسىمدەرىن توقتاتقانىن مالىمدەدى. پەين حانىمنىڭ ايتۋىنشا، بۇل ەكى كەلىسىم بىلتىر اۋستراليا پارلامەنتى قابىلداعان «حالىقارالىق قاتىناستار تۋرالى» جاڭا زاڭعا سايكەس كەلمەيدى.

قىتاي سىرتقى ىستەر مينيسترلىگى اۋستراليانىڭ بۇل قادامىن ەلارالىق كەلىسىمدى قۇرمەتتەمەۋ دەپ ايىپتادى جانە قاتاڭ سىنعا الدى.

سارسەنبىدە اق ءۇيدىڭ رەسمي وكىلى وداقتاستارىنىڭ شەشىمىن قولداپ مالىمدەمە جاسادى. «ارينە، قىتايعا قاتىستى ماسەلەلەر ءبىزدىڭ وداقتاستارىمىز جانە حالىقارالىق قاۋىمداستىقتاعى ۇيلەستىرۋ مەن ىنتىماقتاستىق ىستەرىنە قيىندىقتار اكەلەدى»، – دەگەن اق ءۇي ءباسپاسوز وكىلى.

«ءبىر بەلدەۋ، ءبىر جول» جوباسىنان اۋستراليانىڭ تۇبەگەيلى باس تارتۋى بۇل جوبادان باس تارتاتىن ەلدەردىڭ قاتارىن مولايتۋى مۇمكىن. بۇعان قىتاي مەن باتىس ەلدەرى اراسىنداعى قايشىلىقتىڭ تىكەلەي اسەرى بار.

“The Qazaq Times”