Reseylik «Sputnik V» vakcinaların jetkizu. Körneki suret. Foto: SK-Farmaciya AQ

Astana men Almatı qalasınıñ densaulıq saqtau basqarma basşıları densaulıq saqtau ministrliginiñ josparınan beyhabar ekenin aytadı.

9 säuir OrtKom alañında ötken brifingte elorda qoğamdıq densaulıq saqtau basqarmasınıñ basşısı Timur Mwratov ministrdiñ «alaböten 63 mıñdıq» dozasın bilmeytinin ayttı.

«Astanağa säuir ayında 287 mıñ doza jetkizu josparlanıp otır. Onıñ 6 mıñı qazaqstandıq, qalğanı Qarağandıda öndirilgen Gam-Kovid-Vak vakcinası. Bizde basqa aqparat joq», – dedi ol.

Astananıñ qoğamdıq densaulıq saqtau basqarmasınıñ basşısı Timur Mwratov. 9 säuir 2021 jıl. Foto: OKQ

Osığan wqsas jauaptı almatılıq äriptesi Tabınbaev ta qaytaladı. Bir aydan beri «qızıl aymaqtan» şığa almay otırğan Almatı qalasınıñ qoğamdıq densaulıq saqtau basqarmasınıñ jetekşisi 144,9 mıñ dozanıñ qaynar-közinen beymağlwm.

– Almatı qalasına säuir aaaayında 300 mıñ vakcina bölu josparlanğan. Densaulıq saqtau ministrligimen kelisilgen. Aqpannan beri alğa eki partyası Reseyde şıqqan vakcina boldı. Naurız jäne säuir aylarında alınıp jatqan ekpe – Qarağandıda öndirilgen. Jalpı basqa elderde öndirilgen vakcina Almatığa keledi degen aqparat alğanımız joq, – dedi Nariman Tabınbaev.

Almatı qalasınıñ qoğamdıq densaulıq saqtau basqarmasınıñ basşısı Nariman Tabınbaev Ortalıq kommunikaciya qızmetinde ötken brifingke qaşıqtan onlayn qatısıp otırğan säti. 9 säuir 2021 jıl. Foto: OKQ

Añtarılğan basşı Aleksey Coy aymaqtağı jauaptı mamandarın qwlaqtandırmağan nemese bayandamadağı derek qate me degen swraqqa mwnday derekti bilmeytinin, barlıq is kelisimşart negizinde jüzege asatının jetkizdi.

«Bwl eşqanday jalğanğa jatpaydı. Biz orındauşı qızmetker bolğandıqtan, naqtı kelisimşart boyınşa aytıp otırmız. Vakcina tapşılığı turalı barlığımız bilemiz. ...Basqa memleketten alu dwrıs dep esepteymiz», – dedi Nariman Boltaywlı.

6 säuir küngi Ükimet otırısında densaulıq saqtau ministri Aleksey Coy säuir ayında elge «ekpe aluğa tiis kontingenttiñ 23,4%-ın qamtitın 2 mln doza» vakcina jetkiziletinin mälimdegen. «Onıñ 1,5 millionı Sputnik V, 25 mıñı QazCovid-in jäne 500 mıñı özge öndiruşilerdiñ vakcinası» delingen ministr bayandama-slaydında. Alğaşqı tranş säuirdiñ 9-ı bastalsa, keyingi kezeñderi 13, 23, 26, 28-ine josparlanğan. Bir qızığı, otandıq vakcina QazVac-tıñ taratılu merzimi aytılmadı.

27 säuirden bastap «özge öndiruşilerden» 0,5 mln doza alınadı, alayda bwl qay elderdiñ qanday vakcinası ekeni belgisiz. Resmi derekke qarağanda, Almatı qalasına osı ayda Sputnik V-diñ 316 mıñ, QazCovid-in ekpesiniñ 3 mıñ jäne özge öndiruşilerden 145 mıñğa juıq dozası jetkizilmek. Al astanağa 217 mıñ reseylik jäne 3 mıñ otandıq vakcina, sonımen qosa basqa öndiruşiler 63 mıñnan asa doza alıp keletini habarlandı. Bwl derekti naqtılamaq bolıp birneşe märte jauaptı mamandarğa swraq joldadıq. Almatı qalasınıñ qoğamdıq densaulıq saqtau basqarmasınıñ basşılığınan brifingterde birneşe ret swradıq. «Özge öndiruşiler» kimder ekeni jaylı eşkim jauap bermedi.

Qazaqstannıñ densaulıq saqtau ministri Aleksey Coydıñ Ükimet otırısında säuir ayına josparlanğan vakcina jetkizilimi turalı bayandamasınan. Kesteniñ 9-ınşı bağanında elge "özge öndiruşilerden" jetkiziletin ekpe kölemi körsetilgen. 6 säuir 2021 jıl. Foto: QR Ükimeti efirinen skrin-qiındı

"The Qazaq Times"