Foto: Vlast.kz

Almatıda «Demokratiyalıq partiya» qwrğısı keletin bastamaşıl top ökilderin arnayı jasaq qorşauğa alıp, Respublika alañına qaray şeruge şığuğa mümkindik bermedi. Qaladağı Ortalıq sayabaqta policiya şeruge şıqqan 50 şaqtı adamdı küşpen wstap äketti.

28 aqpan Qazaqstanda miting ötkizuge eki oppoziciyalıq top şaqırğan. Biri – «Qazaqstannıñ demokratiyalıq partiyasın» qwru jönindegi bastamaşıl top. Al ekinşisi – Qazaqstanda zañsız dep tanılğan, biraq Europarlament «beybit wyım» dep atağan «Qazaqstannıñ demokratiyalıq tañdauı» qozğalısı. Miting küni astanada da, Almatıda da arnayı jasaq qoyılıp, internet bwğattaldı.

Şeru bastalğannan beri Almatıdağı Ortalıq stadion aumağında mobil'di internet jwmıs istemeydi. Kettling ädisimen qorşauğa alınğan belsendiler «Nazarbaev, ket!» dep wrandadı. Al «Mamay – qarabet» degen 10 şaqtı adam arnayı jasaqtıñ sırtında jür. Qorşauda qalğan «eki adamnıñ qabırğası sınğanı» aytılıp, jedel järdem şaqırıldı.

Şerude on şaqtı bürkengen bilikşil spikerler jür. Olar biliktiñ sayasatın jaqtap, akciyağa şığuşılardı qaralap bağuda. Sondağı narazılardıñ biri «közildirik taqqan, bilik sözin söylep twrğandar – Nwr Otan müşeleri» deydi.

Abdullinder köşesiniñ qiılısında avtomobil'derge arnalğan jol da jabıq; sayabaqqa jaqın jerde policiya tipti jayau jürginşilerge jol bermeydi. Sayabaq aymağındağı dükender men meyramhanalar jabıq.

Sonımen qatar, QDT qozğalısınıñ jaqtauşıları jinaludı josparlap otırğan sayabaqqa kire beriste Ortalıq mädeniet jäne demalıs sayabağı tazalıq künine jabıq degen habarlandıru bar. Mwnda qoğamdıq kölikter de jürmeydi: trolleybustardıñ bağıtı özgertilgen. Mobil'di internet bwl audanda da jwmıs istemeydi.

"The Qazaq Times"