Körneki suret

«The Qazaq Times» aqparattıq, qoğamdıq-sayasi portalınıñ qazaq tilindegi BAQ qatarında, äsirese elimizdegi sanaulı ğana täuelsiz basılımdar sapında qızmet etip kele jatqanına tört jıl toldı. Tağı da qaytalap aytar bolsaq, beytaraptıq qağidasına say eşkimge bwra tartpadıq jäne reyting jarısına da tüspedik. Qazaq halqına, qazaq memleketine älemniñ är tükpirinde bolıp jatqan türli qoğamdıq-sayasi, äleumettik jağdaylardı ob'ektivti türde qaz-qalpında jetkizuge küş saldıq. Biıl da el işindegi qoğamdıq-sayasi jağdaydı jiti qadağalauğa tırıstıq.

Jıl basındağı wltaralıq janjal retinde tanılğan Qorday qaqtığısınan bastap küni keşe ötken Täuelsizdik küngi mitingilerge deyin, pandemiya twsındağı biliktiñ äreketi, «mausım-şilde qırğını», densaulıq saqtau salasındağı qordalanğan mäseleler men koronavirus statistikasındağı kemşilikter, küştik-arnayı qwrılımdar jäne  azamattıq qoğamnıñ qarım-qatınası, kündelikti epidemiologiyalıq ahual jöninde; halıqaralıq habarlardan: qayta qalpına kelgen Breksit kelisimi men Tramp-Bayden arasındağı dauıs dauı, sayasi polisterdiñ sırtqı sayasattağı jüristeri jaylı t.b. köptegen jañalıqtardı der uaqıtında barınşa qalıñ qauımğa jetkizuge küş saldıq.

Ötken künderdiñ esteliginde qalatın 2020 jılı da jurnalisterimiz älemniñ är qiırındağı eleuli oqiğalardı, auqımdı mäselelerdi qazaq qoğamına jetkizip, olardıñ jahandıq wlı köşte kele jatqan Qazaqstan sındı elimizge tigizetin oñ nemese teris ıqpaldarı turalı, el işindegi äleumettik, qoğamdıq-sayasi ahualdar jöninde jurnalistik oyların jetkizip otırdı. El jañalıqtarı boyınşa ortalıq apparattar men ükimet qwramınıñ nazarın özekti mäselelerge audartu, swrastıra-zertteu bağıtımız birşama beki tüsti.

«The Qazaq Times» portalınıñ qwrılğanına 4 jıl toluına oray, osığan deyin bizge senim artqan twraqtı oqırmandarımızğa alğıs bildiremiz. Äri aldağı uaqıtta da jahandıq jäne el işiniñ jağdaylarına birge nazar audaramız dep senemiz.

“TheQazaqTimes”