Qazaqstan men älem üşin mine, jaña bir tarihi jıldıñ parağı aşılğalı twr. Jaña 2020 jıl bastalıp, 2019 jıl tarih qoynauına ketpek. "Qarakiik" jılı älem üşin de, elimiz üşin de är qilı oqiğalar men sayasi sahnadağı özgeristerge  tolı bolğanı ras. Elimiz tarihında ekinşi prezident bolıp Qasım-Jomart Toqaev saylandı. Ükimette biraz auıs-tüyister boldı. Är aymaqta narazılıq şeruleri de ötti.
Saytımızdıñ elimizdegi sanaulı ğana täuelsiz BAQ qatarında  qosılıp, öz oqırmanına barınşa adal qızmet körsetuge tırısıp qızmet atqarğanına jaqında ğana üş jıl toldı. Osı uaqıt işinde azamattıq qoğamnıñ qalıptasuına, täuelsiz jurnalistikanıñ nığayuına küş-jigerimizdi salıp kelemiz. Äsirese, qazaq tildi aqparat keñistiginde kenjelep qalğan halıqaralıq taqırıptardı, onda da älemge, halıqaralıq qatınastarğa, älemdik sayasi, ekonomikalıq özgeristerge qazaq közimen qarauğa tırıstıq.
Qazaqstan sekildi keşegi postkeñestik, bügingi büyirden qısıp twrğan byurokratiyanıñ seyile qoymağan qoğamında azamattıq qoğamğa qızmet körsetu men täuelsiz jurnalistikanı damıtu üşin de eñ äueli soğan qızmet etetindermen birge wlttıq burjuaziya qalıptasuı eñ mañızdı. Sonıñ bügingi körnisi retinde üş  jıldan beri portalımızdı eşkimniñ qolına qaratpay, eşkimniñ tapsırmasın orındauğa mäjbür etpey, qarjılıq häm özge de qajettilikterge qoldau körsetip kele jatqan  "Er Jänibek" halıqaralıq qoğamdıq qorına, sol qordıñ prezidenti belgili messanat Jeñis Türkiya mırzağa merekege oray ayrıqşa alğıs aytamız!
"Eski jıldı esirke, jaña jılda jarılqa", jaña 2020 jıl jaqsılıqtarğa, jeñisti de jemisti künderge tolı bolsın! Är şañıraqqa qwt-bereke, ıntımaq, qızmette mol tabıs tileymiz! Barlıq salada, sayasat sahnasında Qazaqstan irgeli jetistikterge jete bergey! Jaña jıl jaqsı künder men jaña mümkindikter sıylasın! Sayıt oqırmandarı men barşa qazaqstandıqtardı, älem halqın jaña jılımen qwttıqtaymız!