Foto: 1prime

AQŞ Wlttıq barlau departamenti, FBR, infraqwrılımdıq jäne kiberqauipsizdik agenttigi federaldı ükimettiñ komp'yuterlik jelilerine qattı şabuıl jasağanın habarladı.

Memlekettik hatşı Mayk Pompeo da kiberşabuıldarğa Mäskeudiñ qatısı bar ekenin ayttı. Al prezident Donal'd Tramp bwl jağdayğa Qıtaydıñ qatısı boluı da mümkin deydi.

Osığan baylanıstı AQŞ senatorları memlekettik organdarğa jasalğan kiberşabuılğa baylanıstı Uaşingtonnan Mäskeuge qarsı şara qabıldaudı talap etti.

Respublikalıq partiya ökili, senator Mitt Romni (YUta ştatı) CNN telearnasına: «Bwl bizdiñ kiberkeñistikke qarsı jasalğan şabuıldıñ bir türi. Resey AQŞ-tıñ energiyamen jabdıqtau jäne kommunikaciyalarına, memlekettik organdarına qauip tudırdı. Bizdiñ tarap Reseyge qarsı şara qabıldauı tiis», – dep mälimdedi.

Respublikalıq partiya ökili, senator Marko Rubio Twitter-de: «Amerika Reseyge jauap berui kerek, biraq sankciyalarmen ğana emes. Bizdiñ jauabımız proporcionaldı boluı kerek. Osılayşa, qauiptiñ aldın alamız», – dep jazdı.

Resey prezidentiniñ baspasöz hatşısı Dmitriy Peskov barlıq ayıptardı joqqa şığardı. Sonımen qatar ol Vladimir Putinniñ Amerikanı aqparattıq qauipsizdik salasındağı seriktestik turalı kelisim jasasudı wsınğanın eske saldı. Peskovtıñ pikirinşe, «ortaq kelisim eki elge kez kelgen kiberqılmıs, kiberşabuıldarğa qarsı twruğa mümkindik beredi».

"The Qazaq Times"