اقش سەناتورلارى رەسەيگە قارسى شارا قولدانۋدى تالاپ ەتىپ وتىر

اقش ۇلتتىق بارلاۋ دەپارتامەنتى، فبر، ينفراقۇرىلىمدىق جانە كيبەرقاۋىپسىزدىك اگەنتتىگى فەدەرالدى ۇكىمەتتىڭ كومپيۋتەرلىك جەلىلەرىنە قاتتى شابۋىل جاساعانىن حابارلادى.

مەملەكەتتىك حاتشى مايك پومپەو دا كيبەرشابۋىلدارعا ماسكەۋدىڭ قاتىسى بار ەكەنىن ايتتى. ال پرەزيدەنت دونالد ترامپ بۇل جاعدايعا قىتايدىڭ قاتىسى بولۋى دا مۇمكىن دەيدى.

وسىعان بايلانىستى اقش سەناتورلارى مەملەكەتتىك ورگاندارعا جاسالعان كيبەرشابۋىلعا بايلانىستى ۋاشينگتوننان ماسكەۋگە قارسى شارا قابىلداۋدى تالاپ ەتتى.

رەسپۋبليكالىق پارتيا وكىلى، سەناتور ميتت رومني (يۋتا شتاتى) CNN تەلەارناسىنا: «بۇل ءبىزدىڭ كيبەركەڭىستىككە قارسى جاسالعان شابۋىلدىڭ ءبىر ءتۇرى. رەسەي اقش-تىڭ ەنەرگيامەن جابدىقتاۋ جانە كوممۋنيكاتسيالارىنا، مەملەكەتتىك ورگاندارىنا قاۋىپ تۋدىردى. ءبىزدىڭ تاراپ رەسەيگە قارسى شارا قابىلداۋى ءتيىس»، – دەپ مالىمدەدى.

رەسپۋبليكالىق پارتيا وكىلى، سەناتور ماركو رۋبيو Twitter-دە: «امەريكا رەسەيگە جاۋاپ بەرۋى كەرەك، بىراق سانكتسيالارمەن عانا ەمەس. ءبىزدىڭ جاۋابىمىز پروپورتسيونالدى بولۋى كەرەك. وسىلايشا، قاۋىپتىڭ الدىن الامىز»، – دەپ جازدى.

رەسەي پرەزيدەنتىنىڭ ءباسپاسوز حاتشىسى دميتري پەسكوۆ بارلىق ايىپتاردى جوققا شىعاردى. سونىمەن قاتار ول ۆلاديمير ءپۋتيننىڭ امەريكانى اقپاراتتىق قاۋىپسىزدىك سالاسىنداعى سەرىكتەستىك تۋرالى كەلىسىم جاساسۋدى ۇسىنعانىن ەسكە سالدى. پەسكوۆتىڭ پىكىرىنشە، «ورتاق كەلىسىم ەكى ەلگە كەز كەلگەن كيبەرقىلمىس، كيبەرشابۋىلدارعا قارسى تۇرۋعا مۇمكىندىك بەرەدى».

"The Qazaq Times"