Şığıs Qazaqstan oblısınıñ äkimi Danial Ahmetov aymaqtağı epidemiya jağdayı baqılauda ekenin mälimdedi.

«Oblısta koronavirus dertine baylanıstı jağday oñay bolmay twr. Büginge deyin barlığı 14 mıñnan astam nauqas anıqtaldı. Qazir 659 adam auruhanada emdelip jatır. Nauqastardıñ aptalıq ösimi 1,7%», – dep habarladı äkim Ahmetov.

Onıñ aytuınşa, şekteu şaralarınıñ arqasında jağday oñ jaqqa özgere bastağanı bayqaladı.

Qaraşa ayı bastalğalı beri R reproduktivti körsetkiş 1,85-ten 0,97-ge deyin kemigen. Al qoldanılıstağı tösek-orın sanı boyınşa 31,1%-dan 17,6%-ğa deyin bosağan. Koronavirustıñ taraluın aldın alu jäne jedel şaralar qabıldau maqsatında  virus oşaqtarın oqşaulau jäne zalalsızdandıru ortalığı qwrılğanın aytadı. Oblısta 15 komp'yuterlik tomografiya täulik boyı jwmıs isteydi. 1 jeltoqsannan bastap qosımşa 3 apparat iske qosıladı dep josparlanğan. Pandemiya bastalğalı öñirde 355 mıñ PTR-testi jürgizilgen. Oqu bastalğalı beri 410 oquşıdan koronavirus anıqtalğan.

Äkimniñ sözine sensek, oblısta tolıq medicinalıq qwraldarmen jabdıqtalğan 6,2 mıñ tösek-orın dayın. İndettiñ birinşi tolqınına qarağanda tösek-orın sanı 12 esege, reanimaciyalıq tösek-orın sanı 10 esege artqan. Jedel järdem qızmetiniñ parki 216 kölikpen tolıqtırılğan.

Danial Ahmetov öñirde karantindi qatañdatu josparda joğın aytadı. Osı engizilgen şekteu şaraların jetkilikti dep sanaydı.

Ol eki apta işinde koronavirustıñ jwqtıru deñgeyin azaytuğa bolatınına senimdi.

«Biz täulik boyı jwmıs istep jatırmız. 7 qaraşada 353 jağday anıqtalsa, bügin 242. Auruşañdıq körsetkişiniñ kürt tömendegenin ayğaqtaytın pozitivti statistika desek boladı. Sondıqtan meniñ twjırımdarım därigerler men barlıq audan äkimderiniñ jürgizgen jwmısınıñ nätijesine negizdelgenin aytqım keledi», – deydi ol.

16 qaraşa küni prezident Toqaev «Birqatar oblıstarda  koronavirus indetine qatıstı jaña jağdaylardı jasıru derekteri anıqtalğanın» mälimdegen. Prezidenttiñ sözinşe, statistika bwrmalanğan aymaqtardıñ qatarında ŞQO, SQO, Pavlodar,  Aqmola,  Qostanay oblıstarı bar. Ahmetov özi basqaratın aymaqta jasırılğan faktiler jaylı naqtı derek aytpadı. «Men osı jauapqa tapsırma berdim. Birinşiden, qazir koronavirusqa qarsı küres jürip jatır. Az uaqıttan soñ, mäsele dwrıstalğannan keyin tekseremiz» dedi redakciya tilşisiniñ swrağına.

İndet oşağına aynalğan ŞQO-da aurudıñ beti qaytpay twrğanı belgili. 20 künnen beri lokdaunğa alınsa da öñirdegi ahual älde de täuligine keminde 200-den astam nauqas anıqtalğan, jağday jaqsarmağan. Äleumettik jelide jasıru faktisine qatıstı tarağan qazan ayınıñ soñındağı resmi esepte körsetilgendey 200 emes, odan äldeqayda köp boluı ıqtimal degen dolbar-pikirdiñ ras-ötirigin swradıq.

Äkim şamdanıñqırap jauap berdi: «Siz keliñiz. Men sizge avtokölik beremin. Barlıq auruhanalarğa barıñız. Bügingi tañda 659 nauqas jatır. Barıñız, köriñiz. Onday eşqanday qwpiya mäsele joq. Men sizdi tosamın».

«Bizdiñ mindetimiz ayıptılardı izdeu emes, prezident tapsırmasın orındau. Men az uaqıt aralığında atqarğan jwmıs pen nätijesin aşıq ayttım. Biz qazir osı mäseleni şeşumen aynalısıp jatırmız. Osıdan soñ bwl jağday mindetti türde egjey-tegjeyli anıqtalıp, kinäliler jauapqa tartılatın boladı», – dep jauap berdi Vlast tilşisi Tamara Vaal'diñ saualına.

“The Qazaq Times”