Jazuşı Jädi Şäkenwlı Bursa qalasındağı kitap körmesinde.

Qazaqstan Jazuışlar odağınıñ, Euraziya jazuşılar odağınıñ müşesi, jazuşı Jädi Şäkenwlınıñ «Qaralı köş» attı tarihi romanına arnalğan konferenciya ötti.

Türkiya qazaqtarınıñ köş jetekşilerinen Elishan batır Älipwlınıñ ömirin arqau etken roman bıltır türik tiline audarılğan edi. Kitaptıñ twsaukeseri 2016 jılı, 10 qaraşada Stambulda TÜYAP halıqaralıq kitap järmeñkesinde ötken. Nwrgül Berikbolova türik tiline audarğan jäne sapalı türde «Kalender» baspasınan şıqqan kitapqa oqırman ıqılası erekşe boldı. Kitaptıñ türik tilinde basılıp oqırman qolına tiyuine mwrındıq bolğan “Qazaq-türik bilim jäne zertteu qoğamı (KATEAD) törağası Serkan Dinçtürk te «äsirese Türkiyalıq qazaqtardıñ wrpaqtarı bolğan jastar 2016 jılı, 12-20 qaraşada bir apta boyı jalğasqan Stambul halıqaralıq kitap järmeñkesine kelip audarmaşığa qol qoyğızıp kitaptan alıp twruı bizdi quanttı. Şäkenwlınıñ eñbegin audartqanımızdıñ orındı bolğanın däleldedi» degen bolatın. Bwl turalı Istambwl universitetiniñ professorı Äbduluqap Qara mırza da keñinen jazğan edi.

Bwl jolğı konfenenciya da sätti ötti. Oğan kitap avtorı Qazaqstannan arnayı barıp qatıstı. Sonımen qatar, Bursada ötken kitap järmeñkesinde de «Qaralı köş» romanı oqırmandardıñ jaqsı bağasına ie boldı.

“The Qazaq Times”