جازۋشى ءجادي شاكەنۇلى بۋرسا قالاسىنداعى كىتاپ كورمەسىندە.

قازاقستان جازۋىشلار وداعىنىڭ، ەۋرازيا جازۋشىلار وداعىنىڭ مۇشەسى، جازۋشى ءجادي شاكەنۇلىنىڭ «قارالى كوش» اتتى تاريحي رومانىنا ارنالعان كونفەرەنتسيا ءوتتى.

تۇركيا قازاقتارىنىڭ كوش جەتەكشىلەرىنەن ەلىسحان باتىر ءالىپۇلىنىڭ ءومىرىن ارقاۋ ەتكەن رومان بىلتىر تۇرىك تىلىنە اۋدارىلعان ەدى. كىتاپتىڭ تۇساۋكەسەرى 2016 جىلى، 10 قاراشادا ستامبۋلدا ءتۇياپ حالىقارالىق كىتاپ جارمەڭكەسىندە وتكەن. نۇرگۇل بەرىكبولوۆا تۇرىك تىلىنە اۋدارعان جانە ساپالى تۇردە «كالەندەر» باسپاسىنان شىققان كىتاپقا وقىرمان ىقىلاسى ەرەكشە بولدى. كىتاپتىڭ تۇرىك تىلىندە باسىلىپ وقىرمان قولىنا تيۋىنە مۇرىندىق بولعان “قازاق-تۇرىك ءبىلىم جانە زەرتتەۋ قوعامى (كاتەاد) توراعاسى سەركان دىنچتۇرك تە «اسىرەسە تۇركيالىق قازاقتاردىڭ ۇرپاقتارى بولعان جاستار 2016 جىلى، 12-20 قاراشادا ءبىر اپتا بويى جالعاسقان ستامبۋل حالىقارالىق كىتاپ جارمەڭكەسىنە كەلىپ اۋدارماشىعا قول قويعىزىپ كىتاپتان الىپ تۇرۋى ءبىزدى قۋانتتى. شاكەنۇلىنىڭ ەڭبەگىن اۋدارتقانىمىزدىڭ ورىندى بولعانىن دالەلدەدى» دەگەن بولاتىن. بۇل تۋرالى ىستامبۇل ۋنيۆەرسيتەتىنىڭ پروفەسسورى ابدۋلۋقاپ قارا مىرزا دا كەڭىنەن جازعان ەدى.

بۇل جولعى كونفەنەنتسيا دا ءساتتى ءوتتى. وعان كىتاپ اۆتورى قازاقستاننان ارنايى بارىپ قاتىستى. سونىمەن قاتار، بۋرسادا وتكەن كىتاپ جارمەڭكەسىندە دە «قارالى كوش» رومانى وقىرمانداردىڭ جاقسى باعاسىنا يە بولدى.

“The Qazaq Times”