Bügin sağat 15.00-de Qazaqstan Jazuşılar odağında aqın, J. Näjimedenov atındağı sıylıqtıñ iegeri, Qazaqstan Jazuşılar Odağınıñ müşesi Mwrat Şaymarannıñ 50 jasqa tolğan mereytoyına oray «Talpınğan şalğayğa şayırdıñ janı – qws» attı ädebi-sazdı keş ötedi.

Qazaq öleñinde özindik örnegin qalıptastırıp, qalıñ oqırman ertken  Mwrat Şaymaranwlınıñ bwl keşte «Jasıl tün» attı jır jinağınıñ twsauı kesiledi. Şığarmaşılıq keşke alıs-jaqın şet elden jäne Qazaqstannıñ tükpir-tükpirinen qazaqqa tanımal Halıq jazuşıları, Memlekettik sıylıqtıñ iegerleri, belgili aqın-jazuşılar, qoğam qayratkerleri qatısadı.

Aqınnıñ ömiri, şığarmaşılığı turalı Qazaqstannıñ Halıq jazuşısı Q. Jwmadilov, Memlekettik sıylıqtıñ iegerleri W.Esdäulet, T.Äbdikäkimovtar arnayı söz söyleydi.

Keştiñ formatı dästürli qalıptan özgeşerek. Bwl küni aqın öleñinen teatrlandırılğan kompoziciyalar qoyılıp, M. Şaymaran öleñderin tanımal aqındar jatqa oqidı. Äri elimizge belgili änşiler aqın sözine jazılğan ännen şaşu şaşadı.

"The Qazaq Times"