Bangladeştegi bosqındar lageri. Foto: Mir - TCH.ua.

Birikken Wlttar Wyımı Bangladeşke bas sauğalap barğan rohindja mwsılmandarınıñ jağdayı turalı tağı da eskertu jasadı. Esteriñizde bolsa, bwdan eki jıl bwrın M'yanmada "mwsılman genocidi" dep bağalanğan  qırğınnan bas sauğalağan milliondağan rohindja mwsılmandarı Bangladeşke bas sauğalap barğan bolatın. Qazir ondağı uaqıttıq baspanalarda jartı millionnan astam jas-öspirim ömir sürude. 

BWW mälimetine qarağanda naşar äleumettik jağdayda ömir sürip jatqan jartı millionnan astam rohindja balalarına ekspluataciya qaupi tönip twrğanın aytadı. Qarausız qalğan, bilim almağan jäne kedeyşilikte ömir sürip jatqan balalar adam saudası, esirtki saudasınıñ qwrbanı boluda.

Balalardıñ qwqığın qorğau jönindegi agenttiktiñ mälimetine qarağanda, Bangladeştegi mıñdağan bosqın balalar qılmıstıq toptardıñ, halıqaralıq adam saudası men esirtki atkezşiliginiñ bastı nısanasına aynalğan. Lagerlerde jasap jatqan milliondağan bosqındardıñ auır halı turalı Birikken wlttar wyımı bwdan bwrın da eskertu jasağan bolatın.

“The Qazaq Times”