بانگلادەشتەگى بوسقىندار لاگەرى. فوتو: مير - TCH.ua.

بىرىككەن ۇلتتار ۇيىمى بانگلادەشكە باس ساۋعالاپ بارعان روحيندجا مۇسىلماندارىنىڭ جاعدايى تۋرالى تاعى دا ەسكەرتۋ جاسادى. ەستەرىڭىزدە بولسا، بۇدان ەكى جىل بۇرىن ميانمادا "مۇسىلمان گەنوتسيدى" دەپ باعالانعان  قىرعىننان باس ساۋعالاعان ميلليونداعان روحيندجا مۇسىلماندارى بانگلادەشكە باس ساۋعالاپ بارعان بولاتىن. قازىر ونداعى ۋاقىتتىق باسپانالاردا جارتى ميلليوننان استام جاس-ءوسپىرىم ءومىر سۇرۋدە. 

بۇۇ مالىمەتىنە قاراعاندا ناشار الەۋمەتتىك جاعدايدا ءومىر ءسۇرىپ جاتقان جارتى ميلليوننان استام روحيندجا بالالارىنا ەكسپلۋاتاتسيا قاۋپى ءتونىپ تۇرعانىن ايتادى. قاراۋسىز قالعان، ءبىلىم الماعان جانە كەدەيشىلىكتە ءومىر ءسۇرىپ جاتقان بالالار ادام ساۋداسى، ەسىرتكى ساۋداسىنىڭ قۇربانى بولۋدا.

بالالاردىڭ قۇقىعىن قورعاۋ جونىندەگى اگەنتتىكتىڭ مالىمەتىنە قاراعاندا، بانگلادەشتەگى مىڭداعان بوسقىن بالالار قىلمىستىق توپتاردىڭ، حالىقارالىق ادام ساۋداسى مەن ەسىرتكى اتكەزشىلىگىنىڭ باستى نىساناسىنا اينالعان. لاگەرلەردە جاساپ جاتقان ميلليونداعان بوسقىنداردىڭ اۋىر حالى تۋرالى بىرىككەن ۇلتتار ۇيىمى بۇدان بۇرىن دا ەسكەرتۋ جاساعان بولاتىن.

“The Qazaq Times”