AQŞ-tıñ Grekiyağa jetkizgen äskeri tehnikaları. Foto: The National Herald.

Ötken aptada Batıs aqparat qwraldarı AQŞ qorğanıs küşteriniñ Grekiyağa äskeri tehnikalardı köptep ornalastırğanı turalı köptep talqılağan bolatın. Keybir basılımdar bwrın AQŞ-tıñ jaña äskeri äreketterge dayındalıp jatqanı dep te boljağan. Alayda, Pentagon tarabı bwnday boljamdı teriske şığardı.

AQŞ Qorğanıs ministrliginiñ ökili Erik Pahon Grekiyadağı äskeri tehnikalardı Europadağı birikken äskeri jattığularğa dayındalıp otırğanın jetkizdi. Onıñ aytuınşa, AQŞ pen onıñ NATO odaqtastarı (Europadağı) arasında birikken äskeri-oqu jattığu ötkizu josparlanğan. Birikken äskeri jattığular Europanıñ 9 elinde ötedi dep belgilengen.

Bwğan deyin Grekiyağa AQŞ-tıñ 700-den astam äskeri tehnikaları jetkizilgen. Pentagon jattığu josparlarına säykes Grekiyada äskeri operaciyalardıñ jürgizilip jatqanın aytadı. Sonday-aq, Oñtüstik Europa men Balqan öñirinde 9 ret äskeri jattığu ötetinin mälimdede.

Türkiya men birqatar batıstıq basılımdar, AQŞ äskeri tehnikalarınıñ köptep toptastırıluı Orta Şığıstağı soğıs qaupin küşeytkenin jazğan.

“The Qazaq Times”