اقش-تىڭ گرەكياعا جەتكىزگەن اسكەري تەحنيكالارى. فوتو: The National Herald.

وتكەن اپتادا باتىس اقپارات قۇرالدارى اقش قورعانىس كۇشتەرىنىڭ گرەكياعا اسكەري تەحنيكالاردى كوپتەپ ورنالاستىرعانى تۋرالى كوپتەپ تالقىلاعان بولاتىن. كەيبىر باسىلىمدار بۇرىن اقش-تىڭ جاڭا اسكەري ارەكەتتەرگە دايىندالىپ جاتقانى دەپ تە بولجاعان. الايدا، پەنتاگون تارابى بۇنداي بولجامدى تەرىسكە شىعاردى.

اقش قورعانىس مينيسترلىگىنىڭ وكىلى ەريك پاحون گرەكياداعى اسكەري تەحنيكالاردى ەۋروپاداعى بىرىككەن اسكەري جاتتىعۋلارعا دايىندالىپ وتىرعانىن جەتكىزدى. ونىڭ ايتۋىنشا، اقش پەن ونىڭ ناتو وداقتاستارى (ەۋروپاداعى) اراسىندا بىرىككەن اسكەري-وقۋ جاتتىعۋ وتكىزۋ جوسپارلانعان. بىرىككەن اسكەري جاتتىعۋلار ەۋروپانىڭ 9 ەلىندە وتەدى دەپ بەلگىلەنگەن.

بۇعان دەيىن گرەكياعا اقش-تىڭ 700-دەن استام اسكەري تەحنيكالارى جەتكىزىلگەن. پەنتاگون جاتتىعۋ جوسپارلارىنا سايكەس گرەكيادا اسكەري وپەراتسيالاردىڭ جۇرگىزىلىپ جاتقانىن ايتادى. سونداي-اق، وڭتۇستىك ەۋروپا مەن بالقان وڭىرىندە 9 رەت اسكەري جاتتىعۋ وتەتىنىن مالىمدەدە.

تۇركيا مەن بىرقاتار باتىستىق باسىلىمدار، اقش اسكەري تەحنيكالارىنىڭ كوپتەپ توپتاستىرىلۋى ورتا شىعىستاعى سوعىس قاۋپىن كۇشەيتكەنىن جازعان.

“The Qazaq Times”