AQŞ Türkiyağa eşqanday ul'timatum qoyğan joq.

Türkiya qorğanıs ministri Hulusi Akar «Haberturk» telearnasına bergen swhbatında: «AQŞ-tıñ Türkiyağa S-400 äue qorğanısı jüyesine baylanıstı ul'timatum qoyğan joq» - dep mälimdedi. Onıñ sözinşe, osı uaqıtqa deyin Uaşington Ankarağa ul'timatumğa baylanıstı eşqanday resmi qwjat joldamağan.

Bwğan deyin BAQ betterinde «AQŞ Türkiyağa Reseyden S-400 zımıran jüyesin satıp alğanı üşin ul'timatum qoymaq» degen aqparat tarağan. Atalmış aqparatqa süyensek, Uaşington Ankaranı F-35 wşağın qwrastıru halıqaralıq jobasınan şığarıp tastamaq.

Türkiya birneşe märte S-400 jüyesin satıp aludan bas tartpaytındığın aytqan. Oğan AQŞ qarsılıq bildirip, S-400-diñ NATO standarttarına säykes kelmeytindigin alğan tartqan.

"The Qazaq Times"