Europa qazaqtarınıñ toyı qalay ötedi

Europada twratın qazaqtar käri qwrlıqta ösip-önip jatsa da, ata saltınan jañılğan emes. Toy, mereke, as beru bäri qazaq dästüriniñ jolın bwzbay ötedi. Bwl turalı Franciyanıñ astanası Parij qalasında twratın Äbdulsämet Altay aqsaqal tolığıraq bayandap berdi.

Äbdulsämet qariya belgili din qayratkeri Halifa Altaydıñ ekinşi wlı. Ol 1950 jılı Päkistannıñ Peşevar qalasında ömirge kelgen. Keyin el Päkistannan Türkiyağa köşip barıp, qonıstanadı. Äbdulsämet Anadolı jerinde östi. Sol jerde 9 sınıpqa deyin bilim aladı. 1976 jılı otbasın qwradı.

Äbdulsämet Altay jwbayımen toyda. Franciya, Parij. Photo By Mecit Taşdemir

Franciyada twrıp jatqan qazaqtardıñ köbi öz salt-dästürin jaqsı wstanadı. Arasında türki ağayındarmen üy bolğan jastar da bar. Bizdiñ toyımızdıñ Qazaqstan, Moñğoliya, Qıtay tağı basqa elderde twratın qazaqtardıñ toyınan ayırmaşılığı az. Biz de salt-dästürdi saqtaymız. Besik toy, sündet toy, twsau keser, qız wzatu, kelin tüsiru bäri qazaq saltımen ötedi. Qaytıs bolğan kisiniñ jerleu, jetisin, qırqın, jılın beru de ata dästürge say jüredi deydi Äbekeñ. Soñğı kezde ğana toy dastarqanınıñ jüyesi säl özgergen. Sebebi, bwrınğıday üyden as äzirlep, qoy soyıp, et asu, bauırsaq, şelpek pisiru azaydı deydi. Öytkeni, toy dastarqanı meyramhanada ötetin bolğan soñ, sol jerdiñ ıñğayına qaray bet bwrğan.

Al, ötken senbi küni Äbdulsämet Altay türik ağayındarmen wlı Rauanğa qazaq saltı boyınşa qwda bolıptı. Türikterden basqa wlttarğa qız alıp, qız bermedik deydi qariya. Europadağı qazaq jastarı Europa qazaqtarınıñ kişi qwrıltayı men Europa qazaq jastarınıñ futbol turnirinde bir-birimen tanısıp, aralasadı eken. Bwl jastardıñ bir-birimen jaqın baylanısta bolıp, özara tabısuına kömektesedi.

Al,  jeksenbide sol qaladağı eki qazaq jas bas qwraptı. Toy betaşarmen bastalğan.

Qalay desek te, Europa sındı örkendi qwrlıqta ömir sürip jatqan qandastarımızdıñ ata salttan äli de ajıramay kele jatqan tektiligine tänti bolasıñ.

Besik toydan körinis

Besikke salu säti. Qazaq mädeni ortalığı. 2016.12.17. Parij

Besikke salu säti. Qazaq mädeni ortalığı. 2016.12.17. Parij

Besikke salu säti. Qazaq mädeni ortalığı. 2016.12.17. Parij

Qwda tüsu

Qwdalardıñ auılına kelgen sät. Goetzenbruck, Franciya. 2016. 12. 24

Rauan men qalıñdığı YAsmin. Qwda tüsip kelu. Goetzenbruck,Lorraine/France. 2016. 12. 24

Qwdalıqqa aparğan qorjın zattarı

Qwdalıqqa aparğan qorjın zattarı. 2106.12.24. Goetzenbruck,Lorraine/France

Üylenu toyı

Eki qazaq jasınıñ üylenu toyı. 2016.12.25. VILLIERS-LE-BEL/FRANCE. Photo By Mecit Taşdemir

Äbdulsämet aqsaqal jwbayımen. 2016.12.25. VILLIERS-LE-BEL/FRANCE. Photo By Mecit Taşdemir

«The Qazaq Times»