Qazaqstan men Germaniya äskeri ıntımaqtastıq ornattı. Bwl turalı QR Qorğanıs ministrliginiñ resmi saytı jariyaladı.
Qorğanıs ministrliginiñ Halıqaralıq ıntımaqtastıq departamentiniñ bastığı Oljas Husainov bastağan äskeri delegaciya Berlin qalasında kelissözder ötkizdi. Qos tarap Qazaqstan men Germaniyanıñ qorğanıs vedomstvoları arasındağı 2019 jılğı Äskeri ıntımaqtastıq josparı jäne äskeri bilim beru salasındağı mäseleler talqılağan.
Kelissöz qorıtındısı boyınşa, Germaniya Qarulı Küşteriniñ äskeri qimıldardı model'deu jäne äskeri medicina salasında cifrlıq monitoring jüyesin paydalanudı üyrenu maqsatında arnayı jasaq bölimşeleri arasında täjiribe almasu turalı kelisimderge qol qoyıldı. Sonımen qatar, eki elediñ verifikaciyalıq ortalıqtarı arasındağı özara ıqpaldastıq jäne bitimgerlik qızmet mäseleleri qaraldı.
Ayta keteyik, Germaniya Qazaqstannıñ eñ iri üş sauda äriptesiniñ qatarına kiredi. 2017 jılı şildede Qazaqstan men Germaniya iskerlik keñesiniñ otırısında qwnı 872 mln euroğa bağalanatın 21 kelisimge qol qoyıldı.
«Äbil». Wlttıñ joqtauı jäne aşı ömirdiñ aşınğan üni
Kosmetikalıq jañaru ädeti: «Amanat» pen «Ädiletti» qauışuı – sayasi jañaru ma, älde nomenklaturalıq kamuflyaj ba?
Ormuz dağdarısı jäne köppolyarlı älemniñ tuuı: «Qırği qabaq soğıstan» da qauipti jaña teketires
Almasbek Sadırbay isi: Qonaev sotında BAQ-qa qoyılğan şekteu küşinde qaldı
Almasbek Sadırbay isi: Aşıq sot pa, älde jabıq baqılau ma?
