Qazaqstan prezidenti Qasım-Jomart Toqaev. Foto: https://turantimes.kz

Qazaqstan men GFR sırtqı ister ministrlikteri prezident Qasım-Jomart Toqaevtıñ Germaniyağa saparınıñ kün tärtibin äzirleuge kiristi.

Qazaqstan sırtqı sayasi vedomstvosınıñ resmi ökili Aybek Smadiyarovtıñ mälimetinşe, kelissözderdiñ kün tärtibine memleket basşısı Qasım-Jomart Toqaevtıñ Germaniyağa aldağı resmi saparı, Ortalıq Aziya boyınşa EO strategiyasın iske asıru, sonday-aq öñirlik qwrılımdar men halıqaralıq wyımdar ayasında eki eldiñ özara is-qimılı josparlanğan.

Germaniya Qazaqstannıñ eñ iri üş sauda äriptesiniñ qatarına kiredi. 2017 jılı şildede Qazaqstan men Germaniya iskerlik keñesiniñ otırısında qwnı 872 mln euroğa bağalanatın 21 kelisimge qol qoyıldı. Al biıl 25 naurızda Germaniya Qarulı Küşteriniñ äskeri qimıldardı model'deu jäne äskeri medicina salasında cifrlıq monitoring jüyesin paydalanudı üyrenu maqsatında arnayı jasaq bölimşeleri arasında täjiribe almasu turalı kelisimderge qol qoyıldı. Büginge deyin Germaniya Qazaqstan ekonomikasına şamamen 8,5 milliard dollar qwyğan. Osı rette QR Sırtqı ister ministriniñ orınbasarı Ermek Köşerbaev: «Sırtqı ister ministrligine jañadan bir funkciyalar berilgen. Bwl – investiciyanı tartu jäne eksporttı ilgeriletu. Sol jöninde üş memleket, jalpı ülken memleketter ataladı. Ol AQŞ, Japoniya jäne Germaniya siyaqtı joğarı tehnologiya jäne önerkäsibi bar elder. Jañadan şıqqan tehnologiyalardı öz elimizge tartu qajet. Osınday platformalarda biznes qoğammen kezdesip, jaña mümkindikter aşıladı, sol mümkindikterdi paydalanu kerekpiz», – dep mälimdedi.

Ayta keteyik, prezidenttik lauazımına kiriskeli Q.Toqaev Aq üy basşısı Donal'd Tramp, Şveycariya prezidenti Uli Maurer, Ukraina prezidenti Vladimir Zelenskiy, Gruziya prezidenti Salome Zurabişvili sındı sayasatkerlermen kezdesti.

"The Qazaq Times"