foto: theconversation.com

Jeksenbi küni Britaniyanıñ ükimet basşısı Tereza Mey Brexit-ke dauıs berudiñ soñğı äri şeşui kezeñi jospar boyınşa 14-15 qañtar küni ötetindigin mälimdedi. Sonımen birge, eşqanday da keyinge şegerilmeytindigin habar berdi.

«Biz dauıs berudi däl osı künderi ötkizuge tırısıp otırmız. Şın mäninde, atalğan taqırıptı talqılau aldağı aptada bastalıp, odan äri tek, dauıs beru arqılı şeşiletin boladı» dep Tereza Mey öz pikirin bildirdi.

Bwdan bölek, eger dauıs beruge rwqsat berilmegen jağdayda, beytarap şekarada qalıp qoyatındıqtarın da jetkizdi.

Esteriñizge sala keteyik, Mey jeltoqsanda ötetin dauıs beru kezeñin qañtar ayına auıstırğan bolatın. Sebebi, breksittiñ kedendik jäne biriñğay narıqqa bağıttalğan kelisimşartı Soltüstik Irlandiyanı qanağattandırmağan edi. Bwdan bölek, Wlıbritaniyanıñ ükimet basşısı Euroodaqtıñ da keybir dünielerge kepildik beremiz degenin tilge tiek etken. Alayda, naqtı qanday maqsattarğa ekendigin aşıp aytpadı.

Breksittiñ dauıs berui jaqındağan sayın, Britaniya twrğındarınıñ da alañdauı jiiley bastadı. Osılayşa, täuekelge bas tikkeli otırğan korol'diktiñ azamattarı Euroodaqtağı ornın saqtap qaludı nemese qayta referendum ötkizudi wsınıp otır.

"The Qazaq Times"