AQŞ federaldı sotı inauguraciya qarjısına baylanıstı tergeu jwmıstarın bastadı

N'yu-Yorktıñ federaldı prokuraturası AQŞ prezidenti Donal'd Tramptıñ inauguraciya saltanatına jinalğan qarjattıñ zañdı jwmsalğandığına kümänmen qarap, tekseru jwmıstarın bastadı.    

Qazirgi tañda AQŞ prokuraturası keybir demeuşilerdiñ bölgen qarajatı sayasi twrğıda belgili bir qızmetpen ayırbastaluı mümkin dep joramaldap otır. Sebebi, kommerciyalıq emes wyımdardıñ inauguraciyanı qarjılandıruı federaldı zañnıñ bwzıluı bolıp tabıladı. Tergeu jwmıstarınıñ qazirgi nätijesi boyınşa, Tramptıñ advokatı Maykl Koenniñ de atalğan iske qatısı bar ekendigi turalı dälelder tabılğan.

Alayda, inauguraciya wyımdastıruşıları saltanattı jiınnıñ qarajatı tolığımen zañ talaptarına say jwmsaldı degen aqparattı alğa tartıp otır.

«Wyımdastıruşılar qanday da bir tergeu jürip jatqandığı turalı aqparattan beyhabar. Birde-bir prokuratura orındarımen baylanıs jasalmadı» dep öz mälimdemelerin jetkizgen.

Esteriñizge sala keteyik, soñğı uaqıtta AQŞ senatı men prezidenti Donal'd Tramp arasında qarama-qayşılıqtar orın aluda. Sonımen birge, Senat müşeleri Saud Arabiyasınıñ taq mwrageri Mwhammed bin Salmannıñ jurnalist Jamal Haşoggidiñ isine qatısı bar ekendigin jasırıp qalğandığın alğa tartıp otır.

“The Qazaq Times”