اقش فەدەرالدى سوتى يناۋگۋراتسيا قارجىسىنا بايلانىستى تەرگەۋ جۇمىستارىن باستادى

نيۋ-يوركتىڭ فەدەرالدى پروكۋراتۋراسى اقش پرەزيدەنتى دونالد ترامپتىڭ يناۋگۋراتسيا سالتاناتىنا جينالعان قارجاتتىڭ زاڭدى جۇمسالعاندىعىنا كۇمانمەن قاراپ، تەكسەرۋ جۇمىستارىن باستادى.    

قازىرگى تاڭدا اقش پروكۋراتۋراسى كەيبىر دەمەۋشىلەردىڭ بولگەن قاراجاتى ساياسي تۇرعىدا بەلگىلى ءبىر قىزمەتپەن ايىرباستالۋى مۇمكىن دەپ جورامالداپ وتىر. سەبەبى، كوممەرتسيالىق ەمەس ۇيىمداردىڭ يناۋگۋراتسيانى قارجىلاندىرۋى فەدەرالدى زاڭنىڭ بۇزىلۋى بولىپ تابىلادى. تەرگەۋ جۇمىستارىنىڭ قازىرگى ناتيجەسى بويىنشا، ترامپتىڭ ادۆوكاتى مايكل كوەننىڭ دە اتالعان ىسكە قاتىسى بار ەكەندىگى تۋرالى دالەلدەر تابىلعان.

الايدا، يناۋگۋراتسيا ۇيىمداستىرۋشىلارى سالتاناتتى جيىننىڭ قاراجاتى تولىعىمەن زاڭ تالاپتارىنا ساي جۇمسالدى دەگەن اقپاراتتى العا تارتىپ وتىر.

«ۇيىمداستىرۋشىلار قانداي دا ءبىر تەرگەۋ ءجۇرىپ جاتقاندىعى تۋرالى اقپاراتتان بەيحابار. بىردە-ءبىر پروكۋراتۋرا ورىندارىمەن بايلانىس جاسالمادى» دەپ ءوز مالىمدەمەلەرىن جەتكىزگەن.

ەستەرىڭىزگە سالا كەتەيىك، سوڭعى ۋاقىتتا اقش سەناتى مەن پرەزيدەنتى دونالد ترامپ اراسىندا قاراما-قايشىلىقتار ورىن الۋدا. سونىمەن بىرگە، سەنات مۇشەلەرى ساۋد ارابياسىنىڭ تاق مۇراگەرى مۇحاممەد بين سالماننىڭ جۋرناليست جامال حاشوگگيدىڭ ىسىنە قاتىسى بار ەكەندىگىن جاسىرىپ قالعاندىعىن العا تارتىپ وتىر.

“The Qazaq Times”