Foto: ParsToday

Irak äskeri äl-Anbar oblısınıñ batısında Äbu Bakr äl-Bağdadi bastağan DAIŞ jetekşileriniñ otırısına bombalarmen şabuıl jasağanın mälimdedi.

Fars aqparat agenttiginiñ habarlauınşa, Irak äskeriniñ aqparattıq ştabı düysenbi küngi bir mälimdemede: "Abu Bakr äl-Bağdadi men osı toptıñ keybir jetekşilerin alıp ketip bara jatqan bir keruenniñ Siriyadan Irakqa kirgen jerinde barlau jwmıstarı jasalğannan keyin iraktıq wşqıştar äl-Anbar oblısınıñ batısındağı äl-Ğaem audanında DAIŞ-tiñ bastı jetekşileriniñ otırısın bombaladı" dedi. Bwl turalı ParsToday habarladı.

Irak äskeriniñ aqparattıq ştabı osı äue şabuıldarında Siriyadan Irakqa kelgen 13 jetekşi men 24 jankeştiniñ mert bolğanın mälimdedi.

Mälimdemede Abu Bakr Äl-Bağdadidiñ tağdırı turalı eşnärse aytılmağan.

Kelesi bir habarğa säykes, Qazaqstannıñ bas qalasında ötetin Siriyanıñ beybitşilik kelissözderi qarsañında  Siriyanıñ resmi aqparattıq agenttigi düysenbi küni Siriya ükimetiniñ qarulı qarsılastardıñ kepildikke alğan adamdardı bosatuınıñ esesine keybir twtqındardı azat etuge äzirligin mälimdedi.

Bes kün bwrın Siriya basşıları basım böligin äyelder, sonıñ işinde 8 bala bolğan 55 twtqındı Latakiya qalasında 2013 jıldan beri qarulı qarsılastardıñ qwrsauında bolğan 57 beybit twrğınnıñ, sonıñ işinde, 19 balanıñ bosatıluınıñ ornına azat etti.

“The Qazaq Times”