دايش جەتەكشىلەرى بومبالاندى

يراك اسكەرى ءال-انبار وبلىسىنىڭ باتىسىندا ءابۋ باكر ءال-باعدادي باستاعان دايش جەتەكشىلەرىنىڭ وتىرىسىنا بومبالارمەن شابۋىل جاساعانىن مالىمدەدى.

Fars اقپارات اگەنتتىگىنىڭ حابارلاۋىنشا، يراك اسكەرىنىڭ اقپاراتتىق شتابى دۇيسەنبى كۇنگى ءبىر مالىمدەمەدە: "ابۋ باكر ءال-باعدادي مەن وسى توپتىڭ كەيبىر جەتەكشىلەرىن الىپ كەتىپ بارا جاتقان ءبىر كەرۋەننىڭ سيريادان يراكقا كىرگەن جەرىندە بارلاۋ جۇمىستارى جاسالعاننان كەيىن يراكتىق ۇشقىشتار ءال-انبار وبلىسىنىڭ باتىسىنداعى ءال-عاەم اۋدانىندا دايش-ءتىڭ باستى جەتەكشىلەرىنىڭ وتىرىسىن بومبالادى" دەدى. بۇل تۋرالى ParsToday حابارلادى.

يراك اسكەرىنىڭ اقپاراتتىق شتابى وسى اۋە شابۋىلدارىندا سيريادان يراكقا كەلگەن 13 جەتەكشى مەن 24 جانكەشتىنىڭ مەرت بولعانىن مالىمدەدى.

مالىمدەمەدە ابۋ باكر ءال-باعداديدىڭ تاعدىرى تۋرالى ەشنارسە ايتىلماعان.

كەلەسى ءبىر حابارعا سايكەس، قازاقستاننىڭ باس قالاسىندا وتەتىن سيريانىڭ بەيبىتشىلىك كەلىسسوزدەرى قارساڭىندا  سيريانىڭ رەسمي اقپاراتتىق اگەنتتىگى دۇيسەنبى كۇنى سيريا ۇكىمەتىنىڭ قارۋلى قارسىلاستاردىڭ كەپىلدىككە العان ادامداردى بوساتۋىنىڭ ەسەسىنە كەيبىر تۇتقىنداردى ازات ەتۋگە ازىرلىگىن مالىمدەدى.

بەس كۇن بۇرىن سيريا باسشىلارى باسىم بولىگىن ايەلدەر، سونىڭ ىشىندە 8 بالا بولعان 55 تۇتقىندى لاتاكيا قالاسىندا 2013 جىلدان بەرى قارۋلى قارسىلاستاردىڭ قۇرساۋىندا بولعان 57 بەيبىت تۇرعىننىڭ، سونىڭ ىشىندە، 19 بالانىڭ بوساتىلۋىنىڭ ورنىنا ازات ەتتى.

“The Qazaq Times”