Foto: ParsToday

QR-nıñ Kabuldağı elşisi Ömirtay Bitimov Auğanstannıñ wlttıq birlik ükimetiniñ Atqaru keñesiniñ törağasımen kezdesuinde Astananıñ Kabuldı Şanhay ıntımaqtastıq wyımına twraqtı müşe boluın quattaytının mälimdedi. Bwl turalı ParsToday habarladı.

Iran Teleradiosınıñ älemdik qızmet torabınıñ dari tilindegi radio tilşisiniñ habarlauı boyınşa, kezdesu barısında Auğanstan wlttıq birlik ükimetiniñ Atqaruşı keñesiniñ törağası Abdulla Abdulla Auğanstan men Qazaqstan qarım-qatınastarınıñ türli salalarda, äsirese sauda salasında nığayuına ümit bildirdi.

Qazir Auğanstan Şanhay ıntımaqtastıq wyımında baqılauşı müşe bolıp otır. Şanhay ıntımaqtastıq wyımı Qıtay, Resey, Qazaqstan, Qırğızstan, Täjikstan men Özbekstannıñ müşeligimen 2001 jıldıñ mausım ayınıñ on besinde qwrılğan. Bastapqıda ŞIW öz qızmetin sauda-ekonomikalıq bağıtta bastağan edi. Biraq, keyin Auğanstandağı keybir özgerister men Soltüstik Atlantikalıq kelisim wyımınıñ (NATO) şığısqa qaray jaqındap, Auğanstan şekaralarına jetuine baylanıstı ŞIW öz qızmetiniñ bağıtın qorğanıstıq qauipsizdik ıntımaqtastığına özgertken bolatın. Büginde ŞIW-ın Europa-Aziyalıq sayasi, ekonomikalıq jäne äskeri wyım dep atauğa boladı. Şanhay ıntımaqtastıq wyımınıñ müşeleriniñ jeri 30 million 189 mıñ şarşı şaqırım aumaqtı alıp jatır. Bwl Aziyanıñ besten üş böligin qwraydı. Al halqınıñ sanı jağınan 1 milliard 500 million adammen jer şarı halqınıñ törtten bir böligin qamtidı. Auqımdı jer aumağı men halqınıñ sanına qaramastan wyımğa, äsirese Qıtay men Resey sekildi quattı müşelerine qarsı qauip-qaterler bwl wyım basşılarınıñ alañdauşılığın tudırıp otır. Auğanstandağı äsireşildik pen qarulı toptardıñ artuına baylanıstı qauip-qaterlerdiñ bwl elden Resey men Qıtay jerine kirui äbden mümkin. Mwnday jağdayda, Auğanstannıñ ŞIW-na qosıluı wyım müşelerine, sonıñ işinde Resey men Qıtay üşin öte mañızdı boladı. Şanhay ıntımaqtastıq wyımınıñ basşıları Taşkentte ötken soñğı otırısında keleşektegi üş jıldağı şekara mäseleleri, lañkestik, separatizm men äsireşildikpen kürestegi ıntımaqtastıq josparı jaylı kelisimdi qarastırğan bolatın. Sonımen qatar, Auğanstandağı qauipsizdik pen halıqaralıq lañkestik mäseleleri de ŞIW basşılarınıñ otırısında talqılandı. Sol sebepti, Auğanstannıñ ŞIW-na twraqtı müşeligi wyımğa qarsı keybir qauip-qaterlerdiñ aldın aluı mümkin. Auğanstannıñ qoğamdıq pikirindegi 1980 jıldardağı osı eldiñ bir million halqınıñ qaza boluımen ayaqtalğan Reseydiñ teris ıqpalına baylanıstı Qazaqstan, tipti Qıtay bwl mindetti öz moynına alğan tärizdi. Negizinde, Auğanstan ükimeti men halqı arasında teris beynege ie emes elder onımen birlesuge talpınıs jasaRKKäaauda. Osı sayasattı qoldau mäselesinde Resey mañızdı rölge ie sındı körinedi.

“The Qazaq Times”