قازاقستان اۋعانستاننىڭ شانحاي ىنتىماقتاستىق ۇيىمىنا تۇراقتى مۇشەلىگىن قۋاتتادى

قر-نىڭ كابۋلداعى ەلشىسى ءومىرتاي ءبىتىموۆ اۋعانستاننىڭ ۇلتتىق بىرلىك ۇكىمەتىنىڭ اتقارۋ كەڭەسىنىڭ توراعاسىمەن كەزدەسۋىندە استانانىڭ كابۋلدى شانحاي ىنتىماقتاستىق ۇيىمىنا تۇراقتى مۇشە بولۋىن قۋاتتايتىنىن مالىمدەدى. بۇل تۋرالى ParsToday حابارلادى.

يران تەلەراديوسىنىڭ الەمدىك قىزمەت تورابىنىڭ داري تىلىندەگى راديو ءتىلشىسىنىڭ حابارلاۋى بويىنشا، كەزدەسۋ بارىسىندا اۋعانستان ۇلتتىق بىرلىك ۇكىمەتىنىڭ اتقارۋشى كەڭەسىنىڭ توراعاسى ابدۋللا ابدۋللا اۋعانستان مەن قازاقستان قارىم-قاتىناستارىنىڭ ءتۇرلى سالالاردا، اسىرەسە ساۋدا سالاسىندا نىعايۋىنا ءۇمىت ءبىلدىردى.

قازىر اۋعانستان شانحاي ىنتىماقتاستىق ۇيىمىندا باقىلاۋشى مۇشە بولىپ وتىر. شانحاي ىنتىماقتاستىق ۇيىمى قىتاي، رەسەي، قازاقستان، قىرعىزستان، تاجىكستان مەن وزبەكستاننىڭ مۇشەلىگىمەن 2001 جىلدىڭ ماۋسىم ايىنىڭ ون بەسىندە قۇرىلعان. باستاپقىدا شىۇ ءوز قىزمەتىن ساۋدا-ەكونوميكالىق باعىتتا باستاعان ەدى. بىراق، كەيىن اۋعانستانداعى كەيبىر وزگەرىستەر مەن سولتۇستىك اتلانتيكالىق كەلىسىم ۇيىمىنىڭ (ناتو) شىعىسقا قاراي جاقىنداپ، اۋعانستان شەكارالارىنا جەتۋىنە بايلانىستى شىۇ ءوز قىزمەتىنىڭ باعىتىن قورعانىستىق قاۋىپسىزدىك ىنتىماقتاستىعىنا وزگەرتكەن بولاتىن. بۇگىندە شىۇ-ىن ەۋروپا-ازيالىق ساياسي، ەكونوميكالىق جانە اسكەري ۇيىم دەپ اتاۋعا بولادى. شانحاي ىنتىماقتاستىق ۇيىمىنىڭ مۇشەلەرىنىڭ جەرى 30 ميلليون 189 مىڭ شارشى شاقىرىم اۋماقتى الىپ جاتىر. بۇل ازيانىڭ بەستەن ءۇش بولىگىن قۇرايدى. ال حالقىنىڭ سانى جاعىنان 1 ميلليارد 500 ميلليون اداممەن جەر شارى حالقىنىڭ تورتتەن ءبىر بولىگىن قامتيدى. اۋقىمدى جەر اۋماعى مەن حالقىنىڭ سانىنا قاراماستان ۇيىمعا، اسىرەسە قىتاي مەن رەسەي سەكىلدى قۋاتتى مۇشەلەرىنە قارسى قاۋىپ-قاتەرلەر بۇل ۇيىم باسشىلارىنىڭ الاڭداۋشىلىعىن تۋدىرىپ وتىر. اۋعانستانداعى اسىرەشىلدىك پەن قارۋلى توپتاردىڭ ارتۋىنا بايلانىستى قاۋىپ-قاتەرلەردىڭ بۇل ەلدەن رەسەي مەن قىتاي جەرىنە كىرۋى ابدەن مۇمكىن. مۇنداي جاعدايدا، اۋعانستاننىڭ شىۇ-نا قوسىلۋى ۇيىم مۇشەلەرىنە، سونىڭ ىشىندە رەسەي مەن قىتاي ءۇشىن وتە ماڭىزدى بولادى. شانحاي ىنتىماقتاستىق ۇيىمىنىڭ باسشىلارى تاشكەنتتە وتكەن سوڭعى وتىرىسىندا كەلەشەكتەگى ءۇش جىلداعى شەكارا ماسەلەلەرى، لاڭكەستىك، سەپاراتيزم مەن اسىرەشىلدىكپەن كۇرەستەگى ىنتىماقتاستىق جوسپارى جايلى كەلىسىمدى قاراستىرعان بولاتىن. سونىمەن قاتار، اۋعانستانداعى قاۋىپسىزدىك پەن حالىقارالىق لاڭكەستىك ماسەلەلەرى دە شىۇ باسشىلارىنىڭ وتىرىسىندا تالقىلاندى. سول سەبەپتى، اۋعانستاننىڭ شىۇ-نا تۇراقتى مۇشەلىگى ۇيىمعا قارسى كەيبىر قاۋىپ-قاتەرلەردىڭ الدىن الۋى مۇمكىن. اۋعانستاننىڭ قوعامدىق پىكىرىندەگى 1980 جىلدارداعى وسى ەلدىڭ ءبىر ميلليون حالقىنىڭ قازا بولۋىمەن اياقتالعان رەسەيدىڭ تەرىس ىقپالىنا بايلانىستى قازاقستان، ءتىپتى قىتاي بۇل مىندەتتى ءوز موينىنا العان ءتارىزدى. نەگىزىندە، اۋعانستان ۇكىمەتى مەن حالقى اراسىندا تەرىس بەينەگە يە ەمەس ەلدەر ونىمەن بىرلەسۋگە تالپىنىس جاساRككاااۋدا. وسى ساياساتتى قولداۋ ماسەلەسىندە رەسەي ماڭىزدى رولگە يە سىندى كورىنەدى.

“The Qazaq Times”