AQŞ Qarulı küşteriniñ ortalıq basqaru basqarmasınıñ basşısı Jozef Votel.

Resey Auğanstandağı üstemdigin arttıru üşin AQŞ-pen küresude.

«Golos Ameriki» aqparat agenttigine swhbat bergen AQŞ Qarulı küşteriniñ ortalıq basqaru basqarmasınıñ basşısı Jozef Votel: «Mäskeu Auğanstandağı üstemdigin arttıru üşin Uaşingtonğa qarsı küres jürgizude. Reseydiñ soñğı uaqıttarı taratıp jatqan «AQŞ Auğanstan, Süriya jäne Iraktağı «Islam memleketi» terrorlıq wyımdarın qoldap otır» degen ayıptauları eşqanday qisınğa kelmeydi... Auğanstan mäselesinde Reseymen qatar Iranda küşin arttıruda. Biraq Tehrannıñ wstanımı Mäskeumen salıstırğanda özgeşe. Iran Auğanstan mäslesinde öziniñ şekaralıq audandarınıñ qauipsizdigine alañdaydı. Olar qazir resmi Kabulmen de, Taliban qozğalısımen de kelissözder jürizude» - dep mälimdedi.

Esteriñizge salayıq, bwğan deyin Resey SİM resmi ökili Mariya Zaharova: «Resey Auğanstan mäselesinde AQŞ-pen birlesip jwmıs isteuge dayın. Biraq Uaşingtonnıñ Auğanstanda jürgizip otırğan sayasatı Mäskeudi alañdatadı, sol sebepti de jii sınğa wşıraydı» - degen.

Jalpı, AQŞ pen Resey arasındağı teketires soñğı uaqıttarı bwrın soñdı bolmağan deñgeyge jetken. Al Auğanstan dağdarısına qatıstı dau Süriya men Irak aumağındağı «Islam memleketi» terrorlıq wyımı talqandalğannan keyin örşi tüsken. Mäskeu «Islam memleketi» lañkestik wyım endi Auğanstanda küş alıp, Ortalıq Aziya elderi men Reseyde oyran saluı mümkin dese, AQŞ tarapı Reseydiñ bwl mälimdemelerin sayasi propaganda dep esepteydi.

"The Qazaq Times"