رەسەي اۋعانستانداعى ۇستەمدىگىن ارتتىرۋ ءۇشىن اقش-پەن كۇرەسۋدە.

«گولوس امەريكي» اقپارات اگەنتتىگىنە سۇحبات بەرگەن اقش قارۋلى كۇشتەرىنىڭ ورتالىق باسقارۋ باسقارماسىنىڭ باسشىسى جوزەف ۆوتەل: «ماسكەۋ اۋعانستانداعى ۇستەمدىگىن ارتتىرۋ ءۇشىن ۋاشينگتونعا قارسى كۇرەس جۇرگىزۋدە. رەسەيدىڭ سوڭعى ۋاقىتتارى تاراتىپ جاتقان «اقش اۋعانستان، ءسۇريا جانە يراكتاعى «يسلام مەملەكەتى» تەررورلىق ۇيىمدارىن قولداپ وتىر» دەگەن ايىپتاۋلارى ەشقانداي قيسىنعا كەلمەيدى... اۋعانستان ماسەلەسىندە رەسەيمەن قاتار يراندا كۇشىن ارتتىرۋدا. بىراق تەھراننىڭ ۇستانىمى ماسكەۋمەن سالىستىرعاندا وزگەشە. يران اۋعانستان ماسلەسىندە ءوزىنىڭ شەكارالىق اۋداندارىنىڭ قاۋىپسىزدىگىنە الاڭدايدى. ولار قازىر رەسمي كابۋلمەن دە، تاليبان قوزعالىسىمەن دە كەلىسسوزدەر جۇرىزۋدە» - دەپ مالىمدەدى.

ەستەرىڭىزگە سالايىق، بۇعان دەيىن رەسەي ءسىم رەسمي وكىلى ماريا زاحاروۆا: «رەسەي اۋعانستان ماسەلەسىندە اقش-پەن بىرلەسىپ جۇمىس ىستەۋگە دايىن. بىراق ۋاشينگتوننىڭ اۋعانستاندا جۇرگىزىپ وتىرعان ساياساتى ماسكەۋدى الاڭداتادى، سول سەبەپتى دە ءجيى سىنعا ۇشىرايدى» - دەگەن.

جالپى، اقش پەن رەسەي اراسىنداعى تەكەتىرەس سوڭعى ۋاقىتتارى بۇرىن سوڭدى بولماعان دەڭگەيگە جەتكەن. ال اۋعانستان داعدارىسىنا قاتىستى داۋ ءسۇريا مەن يراك اۋماعىنداعى «يسلام مەملەكەتى» تەررورلىق ۇيىمى تالقاندالعاننان كەيىن ءورشي تۇسكەن. ماسكەۋ «يسلام مەملەكەتى» لاڭكەستىك ۇيىم ەندى اۋعانستاندا كۇش الىپ، ورتالىق ازيا ەلدەرى مەن رەسەيدە ويران سالۋى مۇمكىن دەسە، اقش تاراپى رەسەيدىڭ بۇل مالىمدەمەلەرىن ساياسي پروپاگاندا دەپ ەسەپتەيدى.

"The Qazaq Times"