Foto: 20minutes.fr

Wlıbritaniya prem'er-ministri Tereza Meydiñ komandası qaraşa ayında kezekten tıs saylau ötkizuge dayındaluda. Bwl turalı lemonde.fr basılımı Meydiñ sözine silteme jasap habarlaydı.

Kezekten tıs saylau Wlıbritaniyanıñ Euroodaqtan şığuına qatıstı kelissözder sätsizdikke wşırağan jağdayda ötkizilui mümkin. Sebebi, Bryussel'diñ britaniyalıq ükimet wsınğan jospardı qabıldaudan bas tartıp otırğanı bärimizge mälim.

Mey EO-nıñ 19-20 qırküyekte Zal'burgte ötken kezekti sammitinen oralğan boyda mälimdeme jasağan edi. London men Bryussel' arasındağı kelissözderdiñ tığırıqqa tirelgenin aytqan prem'er-ministrdiñ mälimdemesinen, tek EO-men aradağı kelisimde ğana emes, jeke öziniñ de tığırıqqa tirelgenin añğaruğa bolatınday. Sebebi, britaniya halqınıñ talabına qaramastan, 2019 jılı öz erkimen otstavkağa ketpeytinin söz arasına qosuı, onıñ Çekers wsınısında da, basqasında da özine senimsizdeu ekenin bayqatadı deydi sarapşılar. Jalpı, ükimet basşısı Tereza Mey qay jağınan alğanda da qısımğa wşırap twrğanday.  Mäselen, Zal'cburg sammitinen keyin Wlıbritaniya ministrler kabinetiniñ müşeleri Meyden Euroodaqpen qarım-qatınastı retteu üşin Çekers wsınısınıñ balaması retinde jaña jospar dayındaudı talap etken edi.  The Daily Telegraph basılımınıñ mälimetinşe, ministrler kabineti «B josparı» erkin sauda aymağın saqtau üşin Britaniyanıñ EO erejelerin orındauğa mindetteydi. Osığan baylanıstı, bügin, 24 qırküyekte Britaniya ministrler kabinetiniñ kezekten tıs otırısı ötui mümkin dep kütilude.  Eger, Mey osı talaptı orındamay, Çekers wsınısınan bas tartpasa, Breksittiñ jüzege asırıluına qarsı ministrler kabinetiniñ aşıq narazılığına wşırauı mümkin dep kütilude.

Bärimizge belgili, London men Bryussel' arasındağı Wlıbritaniyanıñ Euroodaq qwramınan şığuı turalı resmi kelissözder 2017 jıldıñ mausım ayında bastalğan edi. Sodan beri britaniya halqınıñ narazılığın tuındatqan bwl şeşim äli künge deyin tartıstı bolıp keledi.

“The Qazaq Times”