Resey AQŞ sankciyalarınan qorğaytın jospar qwruda – dep habarlaydı RBK telearnası.

RBK mälimetinşe, Resey Qauipsizdik Keñesi qırküyek ayınıñ 5-i küni ministrlikter men vedomstva basşıların jinap, AQŞ sankciyalarınan qorğanu jäne qarsı şaralar wyımdastıruğa baylanıstı jospar qwrudı tapsırğan. Qazirdiñ özinde Qarjı ministrligi, Ekonomikanı damıtu ministri, Ortalıq Bank atalmış mäselege baylanıstı öz josparların wsınğan. Wsınıstar arasında halıqaralıq sauda-sattıq kelisimderinde AQŞ qwqıqtıq normaların paydalanbau siyaqtı bastamalar bar.

Esteriñizge salayıq, tamız ayınıñ 27-i küni AQŞ-tıñ Reseyge salğan kezekti sankciyası küşine engen. Kelesi sankciyalar tizbegi qaraşa ayında küşine enui mümkin. Ol Resey tauarlarınıñ eksportı men importına, memlekettik bankterine, zañdı twlğalarğa beriletin nesielerge salınadı dep kütilude.

"The Qazaq Times"