Biıldan bastap iKomek ortalığı şwğıl qızmetter körsetumen birge qoğamdıq kölikterdiñ jwmısına qatıstı şağımdardı da qabıldaytın boladı.  Qaladağı bağıttı avtobustar jwmısına qatıstı kelip tüsetin şağımdar boyınşa jıldam äreket etu üşin Astanadağı “109” kezekşi qızmeti “Astana LRT” call-ortalığınıñ funkciyasın öz moynına aldı. Bwl turalı Astana äkimi Äset Isekeşev habarladı.

“Mwnda 16 sekundta qoñırau şaluğa boladı. Sondıqtan oğan “Astana LRT” kölik qızmetin qosıp otırmız. Şağımdar köp tüsedi. Bükil ortalıq barlıq qalalıq qızmetke jwmıs isteydi”, – dep mälimdedi  äkim Memlekettik qızmet isteri jäne sıbaylas jemqorlıqqa qarsı is-qimıl agenttiginiñ törağası Alik Şpekbaevpen “109” qızmeti kiretin iKomek monitoring jäne şwğıl basqaru qalalıq ortalığında ötken kezdesuinde.

Äset Isekeşev twrğındardan kelip tüsken qoñıraular  ğana emes, äleumettik jeliler arqılı kelip tüsken ötinişterdi de qarastıratın ayttı. Äleumettik jelilerde şağımdarğa ortaşa eseppen 10 minutta jauap berilmek.

Endi “109” qısqa nömiri arqılı, äleumettik jeliler, Telegram-kanal jäne çat-bottar arqılı da habarlasıp kölikke öz-arız şağımıñızdı qaldırsañız boladı.

“The Qazaq Times”