بيىلدان باستاپ iKomek ورتالىعى شۇعىل قىزمەتتەر كورسەتۋمەن بىرگە قوعامدىق كولىكتەردىڭ جۇمىسىنا قاتىستى شاعىمداردى دا قابىلدايتىن بولادى.  قالاداعى باعىتتى اۆتوبۋستار جۇمىسىنا قاتىستى كەلىپ تۇسەتىن شاعىمدار بويىنشا جىلدام ارەكەت ەتۋ ءۇشىن استاناداعى “109” كەزەكشى قىزمەتى “استانا LRT” call-ورتالىعىنىڭ فۋنكتسياسىن ءوز موينىنا الدى. بۇل تۋرالى استانا اكىمى اسەت يسەكەشەۆ حابارلادى.

“مۇندا 16 سەكۋندتا قوڭىراۋ شالۋعا بولادى. سوندىقتان وعان “استانا LRT” كولىك قىزمەتىن قوسىپ وتىرمىز. شاعىمدار كوپ تۇسەدى. بۇكىل ورتالىق بارلىق قالالىق قىزمەتكە جۇمىس ىستەيدى”، – دەپ مالىمدەدى  اكىم مەملەكەتتىك قىزمەت ىستەرى جانە سىبايلاس جەمقورلىققا قارسى ءىس-قيمىل اگەنتتىگىنىڭ توراعاسى اليك شپەكباەۆپەن “109” قىزمەتى كىرەتىن iKomek مونيتورينگ جانە شۇعىل باسقارۋ قالالىق ورتالىعىندا وتكەن كەزدەسۋىندە.

اسەت يسەكەشەۆ تۇرعىنداردان كەلىپ تۇسكەن قوڭىراۋلار  عانا ەمەس، الەۋمەتتىك جەلىلەر ارقىلى كەلىپ تۇسكەن وتىنىشتەردى دە قاراستىراتىن ايتتى. الەۋمەتتىك جەلىلەردە شاعىمدارعا ورتاشا ەسەپپەن 10 مينۋتتا جاۋاپ بەرىلمەك.

ەندى “109” قىسقا ءنومىرى ارقىلى، الەۋمەتتىك جەلىلەر، Telegram-كانال جانە چات-بوتتار ارقىلى دا حابارلاسىپ كولىككە ءوز-ارىز شاعىمىڭىزدى قالدىرساڭىز بولادى.

“The Qazaq Times”