Gazadağı palestinalıqtar. Foto: VOA.

Tramp ükimeti palestinalıqtarğa bölingen 200 million AQŞ dolları kölemindegi kömek qarajatın qısqartıp tastadı. Federaldıq ükimet lauazımdıları jwma küni Iordan özeniniñ batıs jağalauındağı jäne Gaza sektorındağı kömek körsetu jobaların qayta qarau kezinde osınday şeşimge kelgen. Bwl turalı VOA jañalıqtar qızmeti habarladı.

AQŞ Memlekettik departamentiniñ birqatar joğarı lauazımdılarınıñ aytuınşa, bwl qarajat özge de mañızdı jobalarğa paydalanadı. Olar jäne Gaza sektorına kömek körsetu barısında halıqaralıq qauımdastıq tap keletin qiınşılıqtardı közde wstay otırıp osınday şeşim qabıldanğanın aytadı. Olar bwl arqılı AQŞ-tıñ kömek qarajatı men Halıqaralıq qauımdastıqtıñ Gazadağı jwmıstarında qayşılıq bar degendi meñzeydi.

Qwrama Ştat ükimeti Gazanı HAMAS wyımınıñ baqılauına aluı, Gaza twrğındarınıñ qauipsizdigine qater töndiredi dep qaraydı. HAMAS 2007 jılı Gaza sektorın resmi baqılauına alğan. Bwl Izrail' men Mısırdıñ Gaza sektorın qatañ ekonomikalıq şekteuine alıp keldi.

Izrail' tarabı: «Izrail'di joyuğa wmtılatın HAMAS jasaqtarın qıspaqqa alu üşin Gaza sektorına ekonomikalıq şekteu salu kerek», – dedi. Al, HAMAS wyımı bolsa Izrail'di moyındamaydı, degenmen, Mısırmen kelissözder ötkizude. Bwl ekonomikalıq dağdarıstı şeşim etedi dep qaraydı.

“The Qazaq Times”