Astananıñ 5 mektebi men 3 kolledji pilottıq rejimde latın älipbiine köşiriledi. Bwl turalı Astananıñ bilim basqarmasınıñ basşısı Änuar Janğozin dästürli tamız konferenciyasında mälimdedi.

Joba memlekettik tildi damıtuğa bağıttalğan. Negizgi ideyası orıs tilinde bilim alatın sınıptardı kezeñ-kezeñmen memlekettik tildegi sınıptarğa aynaldıru. İs jüzinde birinşi sınıpqa keletin balalar sabaq barısında aqparattı bastapqı qadamda 70 payızın orıs tilinde, al 30 payızın qazaq tilinde oqitın bolsa, 5-sınıpqa barğanda oqıtu tilin tolığımen memlekettik tilge köşiru.

“Jalpı alğanda, Astana birinşi bolıp, barlıq pilottıq jobağa qatısadı. Bizdiñ wstazdar ärbir özgerister men jañaşıldıqqa tez beyimdeledi. Osı jılı elordalıq bilim ordalarında jüzege asırılatın birneşe pilottıq jobalar bar. Mısalı, elektrondıq oqulıqtardı paydalanu eki mektepke engiziledi. Astananıñ 5 mektebi men 3 kolledji pilottıq reijimde latın älipbiine köşiriledi”, – dedi Änuar Janğozin.

“The Qazaq Times”