Äl-Farabi atındağı QazWU elimizdegi bölingen  oqu grantarınıñ sanı boyınşa absalyutti köşbasşı atandı. Biıl 6,6 mıñnan astam mekteptiñ üzdik tülekteri QazWU-dı tañdap memlekettik bilim  grantına  ie bolğan, olardıñ edäuir böligi «Altın belgi» iegerleri, halıqaralıq jäne respublikalıq olimpiadalardıñ jeñimpazdarı. 

Bwl qazaqstandıq joğarı bilim beru tarihındağı rekorttıq körsetkiş. QazWU granttar sanı boyınşa basqa joğarı oqu orındarınan oq boyı ozıq twr. Sanalı äri ülken maqsatqa tolı talapkerdiñ sapalı bilim aluı üşin  elimizdegi jetekşi oqu ornın tañdauı atalmış universitetke degen joğarı senimdi bildiredi.

Eñ ülken bayqau radiotehnika, elektronika jäne telekommunikaciyalar, aqparattıq jüyeler, avtomattandıru jäne basqaru, turizm, himiyalıq tehnologiyalar sındı mamandıqtar boyınşa jürgizildi. Halıqaralıq qatınastar jäne qwqıq, qwqıqtanu, qarjı, esep jäne audit, ekonomika talapkerler arasında tanımaldılıq qalpında qalıp otır. Magistratura men doktoranturağa tüsuge de bayqau bwrınğısınşa öte joğarı. Jekelegen mamandıqtar boyınşa ümitkerler sanı bir orınğa 15-20-dan asa adamnan keledi.

QazWU älemdegi üzdik top-220 JOO-nıñ qatarında äri bilim, ğılım jäne innovaciyanıñ jetekşi ortalığı bolıp tabıladı. Universitette älemniñ äygili joğarı oqu orındarımen seriktese otırıp qosdiplom bilim bağdarlamaları belsendi engizilude, oqıtu ağılşın tilinde jüzege asıp, köptegen jaña mamandıq aşıluda.

“The Qazaq Times”