Qazaqstan Respublikasınıñ Prem'er-ministri Baqıtjan Sağıntaev bilim jäne ğılım ministri Erlan Sağadievke dürse qoydı. Ükimet basşısı Almatı äkimi Bauırjan Baybek esep berip jatqanda, basqa ispen aynalısıp otırğan ministrdiñ qılığına aşulanıp, oğan  eskertu jasadı.

«Erlan Kenjeğaliwlı, äkimniñ swrağına jauap beriñiz? Siz onıñ ne aytqanına müldem män berip otırğan joqsız! Bwl mäsele qaşan şeşiledi? Äkimderdiñ ne aytıp jatqanı sizge mañızdı emes pe? Ol kimge aytıp otır?» - dedi, Sağıntaev.

Ükimet basşısınıñ bwl swrağına bilim jäne ğılım ministri mardımdı jauap bere almadı. Erlan Sağadiev Almatı äkimi Bauırjan Baybek esep berip jatqan kezde, 6-şı sınıp oquşılarına arnalğan pändik oqulıqtı oqıp otırğanın jasırmadı.

«Men «Düniejüzi tarihı» pänin oqıp otırğan edim. Bauırjan Baybektiñ ne aytıp jatqanına şını kerek män bermedim. Almatı äkimi kötergen mäseleni jıl soñına deyin şeşemiz» - dep, şatıp-bwtıp jauap berdi Sağadiev.

Bügingi ükimet otırısında Almatı aglomeraciyası talqığa salınğan edi. Qala basşısı Bauırjan Baybek 2 jıldan beri Almatıda şağın audandardıñ seysmologiyalıq kartası äzirlenip jatqanın aytqan. Alayda olar jobanı jüzege asıru üşin bilim jäne ğılım ministrliginiñ rwqsatın kütip otır eken.

“The Qazaq Times”