Foto: Äbu Saf'yan ben Kamu

Liviya Wlttıq äskeri otryadı Äl-Kaida terroristik wyımınıñ jetekşileriniñ biri Äbu Saf'yan ben Kamudı twtqınğa aldı, - dep habarlaydı jergilikti «Al Arabiya» telearnası.

Telearnanıñ habarlauınşa, Äbu Saf'yan ben Kamu Derna qalasındağı terroristerge qarsı soñğı operaciya barısında qolğa tüsirilgen. 59 jastağı ben Kamu 1980 jıldardıñ ortasında Liviyadan şıqqan. Ol Sudan arqılı Auğanstanğa jetip, Äl-Kaidanıñ jattığu lagerinde dayındıqtan ötken. Atışulı Usama ben Laden Sudanğa kelgen kezde ben Kamu onıñ jeke jürgizuşisi äri küzetşisi bolğan. Sol jıldarı ol AQŞ-tıñ arnayı tağayındalğan äskeri bölimi tarapınan twtqınğa alınıp, Guantanamodağı abaqtığa qamalğan. Keyin, 2007 jılı Liviyağa ekstradiciyalanğan Kamu, 2011 jılğı kezekti bir köterilis kezinde Tripolidegi türmeden qaşıp ketken. TASS agenttiginiñ habarlauınşa, Kamudıñ tikeley jetekşilik etuimen orın alğan eñ iri terrorlıq is — 2012 jılı Liviyanıñ Bengazi qalasındağı AQŞ-tıñ diplomatiyalıq ökildigine jasağan şabuıl. Osı şabuıl kezinde amerikalıq tört diplomat pen AQŞ-tıñ elşisi qaza tapqan.

“The Qazaq Times”