فوتو: ءابۋ سافيان بەن كامۋ

ليۆيا ۇلتتىق اسكەري وتريادى ءال-كايدا تەرروريستىك ۇيىمىنىڭ جەتەكشىلەرىنىڭ ءبىرى ءابۋ سافيان بەن كامۋدى تۇتقىنعا الدى، - دەپ حابارلايدى جەرگىلىكتى «Al Arabiya» تەلەارناسى.

تەلەارنانىڭ حابارلاۋىنشا، ءابۋ سافيان بەن كامۋ دەرنا قالاسىنداعى تەرروريستەرگە قارسى سوڭعى وپەراتسيا بارىسىندا قولعا تۇسىرىلگەن. 59 جاستاعى بەن كامۋ 1980 جىلداردىڭ ورتاسىندا ليۆيادان شىققان. ول سۋدان ارقىلى اۋعانستانعا جەتىپ، ءال-كايدانىڭ جاتتىعۋ لاگەرىندە دايىندىقتان وتكەن. اتىشۋلى ۋساما بەن لادەن سۋدانعا كەلگەن كەزدە بەن كامۋ ونىڭ جەكە جۇرگىزۋشىسى ءارى كۇزەتشىسى بولعان. سول جىلدارى ول اقش-تىڭ ارنايى تاعايىندالعان اسكەري ءبولىمى تاراپىنان تۇتقىنعا الىنىپ، گۋانتاناموداعى اباقتىعا قامالعان. كەيىن، 2007 جىلى ليۆياعا ەكستراديتسيالانعان كامۋ، 2011 جىلعى كەزەكتى ءبىر كوتەرىلىس كەزىندە تريپوليدەگى تۇرمەدەن قاشىپ كەتكەن. تاسس اگەنتتىگىنىڭ حابارلاۋىنشا، كامۋدىڭ تىكەلەي جەتەكشىلىك ەتۋىمەن ورىن العان ەڭ ءىرى تەررورلىق ءىس — 2012 جىلى ليۆيانىڭ بەنگازي قالاسىنداعى اقش-تىڭ ديپلوماتيالىق وكىلدىگىنە جاساعان شابۋىل. وسى شابۋىل كەزىندە امەريكالىق ءتورت ديپلومات پەن اقش-تىڭ ەلشىسى قازا تاپقان.

“The Qazaq Times”