Elimizde kelesi jıldan bastap memlekettik qızmetkerlerge jalaqı töleudiñ jaña jüyesi engizilmek. Bwl turalı Memlekettik qızmet isteri jäne sıbaylas jemqorlıqqa qarsı küres agenttiginiñ törağası Alik Şpekbaev mälimdedi.

 

Alik Şpekbaev. Foto: kyzmet.gov.kz

"Büginde biz eñbekaqı töleudiñ jaña jüyesin aprobaciyalap jatırmız. Faktorlıq-baldıq şkala negizindegi bwl jüye pilottıq organdardağı lauazımdıq jalaqını eki esege deyin köbeytuge mümkindik beredi. Kelesi jılı bizdiñ bastamamız, yağni pilottıq jobamız ayaqtaladı. Säykesinşe, Qazaqstannıñ barlıq memlekettik qızmetşileriniñ jalaqısı köbeyedi", - dedi Alik Şpekbaev.

 

Agenttik törağası eger memlekettik qızmetkerlerdiñ aylıq aqısı köbeyse, onda para alu derekteri de kürt qısqarar edi deydi. Odan bölek, kelesi jıldan bastap memlekettik qızmetkerlerdiñ baspanalı boluına da jiti män berilmek. Olarğa jeñildetilgen şarttar wsınıladı.

“The Qazaq Times”