Iran AQŞ-tıñ jaña sankciyasın ayıptadı. Foto: obşestvennoe dvijenie "hiliazm".

AQŞ Qazına departamenti irandıq 10 azamat pen bir kompaniyanı sankciya tizimine engizdi. Olarğa AQŞ universitetteriniñ aqparattarı men intelektualdıq mülikterin wrladı degen ayıp tağılğan. Bwl turalı VOA aqparattıq saytı habarladı.

Qarjı departamenti jasağan mälimetter, atalğan irandıq azamattar AQŞ JOO-nıñ ğılımi jetistikteri men zertteu materialdarın, osığan wqsas özge de qwndı mwrağattarına qol saldı dep ayıptağan. Sankciya talabı boyınşa tizimge engizilgen twlğalardıñ barlıq qarjılıq esep közderi bwğattaladı, sonımen birge Qwrama Ştat jerine kiruine tıyım saladı.

Iran tarabı bwl turalı jasağan mälimetinde, kezekti sankciyanı ayıptap, IIR-ğa jasalğan qastandıq dep bağalağan. Irannıñ IRNA aqparattıq agenttiginiñ habarında: «AQŞ osığan deyin Iran halqına soqqı berudi közdep keldi. Ğılımi jetistikterde Iranğa ayıp tağıp, tosqauıl qoyuı Irannıñ damuı men jetistikke jetuine kedergi keltiru maqsatın anıq körsetti», – dep bağalağan.

Iran tarabı Qwrama Ştattıñ qanday da bir sankciyası men şekteulerin tolıqtay jaulasu äreketi dep bağalap, irandıqtardı ortaq jauğa qarsı twruğa ündeydi. Bwl anti-amerika demonstraciyası Iran rejiminiñ bastı wstanımdarınıñ biri.

 “The Qazaq Times”