يران: اقش ير-نىڭ جەتىستىككە جەتكەنىن كورە المايدى

اقش قازىنا دەپارتامەنتى يراندىق 10 ازامات پەن ءبىر كومپانيانى سانكتسيا تىزىمىنە ەنگىزدى. ولارعا اقش ۋنيۆەرسيتەتتەرىنىڭ اقپاراتتارى مەن ينتەلەكتۋالدىق مۇلىكتەرىن ۇرلادى دەگەن ايىپ تاعىلعان. بۇل تۋرالى VOA اقپاراتتىق سايتى حابارلادى.

قارجى دەپارتامەنتى جاساعان مالىمەتتەر، اتالعان يراندىق ازاماتتار اقش جوو-نىڭ عىلىمي جەتىستىكتەرى مەن زەرتتەۋ ماتەريالدارىن، وسىعان ۇقساس وزگە دە قۇندى مۇراعاتتارىنا قول سالدى دەپ ايىپتاعان. سانكتسيا تالابى بويىنشا تىزىمگە ەنگىزىلگەن تۇلعالاردىڭ بارلىق قارجىلىق ەسەپ كوزدەرى بۇعاتتالادى، سونىمەن بىرگە قۇراما شتات جەرىنە كىرۋىنە تىيىم سالادى.

يران تارابى بۇل تۋرالى جاساعان مالىمەتىندە، كەزەكتى سانكتسيانى ايىپتاپ، ير-عا جاسالعان قاستاندىق دەپ باعالاعان. يراننىڭ يرنا اقپاراتتىق اگەنتتىگىنىڭ حابارىندا: «اقش وسىعان دەيىن يران حالقىنا سوققى بەرۋدى كوزدەپ كەلدى. عىلىمي جەتىستىكتەردە يرانعا ايىپ تاعىپ، توسقاۋىل قويۋى يراننىڭ دامۋى مەن جەتىستىككە جەتۋىنە كەدەرگى كەلتىرۋ ماقساتىن انىق كورسەتتى»، – دەپ باعالاعان.

يران تارابى قۇراما شتاتتىڭ قانداي دا ءبىر سانكتسياسى مەن شەكتەۋلەرىن تولىقتاي جاۋلاسۋ ارەكەتى دەپ باعالاپ، يراندىقتاردى ورتاق جاۋعا قارسى تۇرۋعا ۇندەيدى. بۇل انتي-امەريكا دەمونستراتسياسى يران رەجيمىنىڭ باستى ۇستانىمدارىنىڭ ءبىرى.

 “The Qazaq Times”